آنا دیلیم(شئعر اؤزومدن)

سنینله دوغولموشام من

خوش گونلری سووموشام من

بئشیکده کی یاتمیشدیم

دونیانی من آتمیشدیم

آنام لای لای دیییردی

گؤز یاشیمی سیلردی

لای لای منه دییینده

سنین سسین گلردی

گؤز یاشیمی سیلنده

سنین الین سیلردی

سنینله یارانمیشام من

بو باغلاری بو داغلاری

سنینله دولانمیشام من

روحوم سنه باغلی دیر

جاندان دانیشما دای سن

نئجه آییرا بیللم

بو روحو بیر بدندن؟

کیمسه بونو دیینمز

من سنی آتا بیللم

من سنی آتا بیلسم

آنامی دا آتمیشام

من سنی آتا بیلسم

وارلیغیمی ساتمیشام

بیلمه دییم سؤزوم سن

واریم یوخوم گؤزومسن

منیم سوسموش ائلیم سن

منیم شیرین دیلیمسن

سنی آتا بیلمه رم من

هئچ نه یه ساتا بیلمه رم من