درباره من

افتخارلی تبریزیم

یاتمیشام توپراقون أوسته باخیرام داغلارووا
ای گوَزل کویشَنیمیز فخر إئدیرم باغلارووا

سَن مَنیم نازلی دیاریم آنامین توپراقیسان
باشیمین تاجی اوجا داغلاریمین بایراقیسان

سَسووه سَس وِئَرَرم سوزلَرووه جان دِیَرم
گر اولا مینجه جانیم تبریــــزه قوربان دِیَرم

ای صفالی شَهَـــریم غِـیَرتووه قوربان اولوم
یاراشیقـــلی آدووا شُهـرتووه قوربان اولـوم

شهریار لار شَهَری همًتو وه قوربان اولوم
باغـــووا بُســتانووا جَنًــتو وه قـوربان اولوم

فکر إئدَن دَه سَنه قُدرت گلوری دیزلریمه
تبریزین آدی صفا وِئردی منیم سوزلریمه

گَـزورَم داغلاری گر طاقتی أولسا دیزیمین
سَسینه جان دِیَــرم حاجَت أولا تبــریزیمین

قـویمارام تو پراقـــینا أ ل یِئـــتَه بیگانه ألی
کَسَرَم أللــرینی قـــوی دِئسون دیوانه دَلــــی

گـُون تَکین جلب توجًه إئدیر بابک قالاسی
دُشمَنین جُرئَتی یوخ وار نَقـَدر تورک بالاسی

وار ألیمدَه قلمیم تَک سَنه خاطیر یازیرام

قَره داغ توپراقیندا دشمنی وَه گور قازیرام

ِوِئرمَرَم أللــریمی بیرجَه "غــریب" أللرینه

جــان فـــدا إئیـــلیرَم تورک لَـَــر یِئر لَـَرینه

حسین اسکندری "غریب"  

درج شده در تاریخ ۹۴/۰۲/۱۰ ساعت 10:51

کاربران آنلاین (0)