اؤز اودونا آلیشان بیریسی گؤروبسن می؟

اؤز اودونا آلیشان بیریسی گؤروبسن می؟

خاطیره لر ایچه ری سینده بوغولوب

بیر قارا بولودا دؤنن بیریسی

اوجا اوجا باغیران،هی هی چاغیران

سونرا اؤزون بیر سسلی لال تاپان،بیریسی

عؤمور بویو یوللار دوزلدن

سونرا یولدا سرگردان قالان  بیریسی،

 گؤروبسن می؟

باشیندا کی بئیین  مودام  مودام قیزیشان

یاندیریجی اولان،

سللیمه یالواران بیریسی ،

سینه ده ساه جه  بیر کؤنولو اولان

آمما مینلرجه کؤنولون آغیر آغیر یوکون اؤزونه یوکله ین بیریسی

اوره ک خورجونو سوزدن داشا داشا،یولاار قارشیسیندا اوزون اوزون

آغزی قیفیللی آیاقلاری چولاق اولان بیریسی ،

گئجه نین  قارا سینا گوجو یئتمه ین

چاره سیزلیکدن اوز باغرین قان ائیله ین بیریسی

قارانلیقا اوتوزان بیرسی،

 گؤروبسن می؟؟

بیر خئرداجا اینه ،بیر سنکچه  بویا ایله
ثانیه لر بؤلومونده ،هئچ گؤز قئرپیمین الدن وئرمه ییب
بؤیوک اوجو بئجاقسیز اوره گیوی
آجی،آغری ایله،بویادیرلار
زامان سورور،
دوشونورسن،بویا دییل
یاواش یاواش
سنده دلیلیک دوغولور

عاغیللی عاغیللی دلی اولان بیریسی گؤروبسن می؟