بختیار واهابزاده آذربایجانین بویوک شاعرینین منیم انا دیلیم شعری چوخ گوزلدی...(بیر سری اوخویون)
منیم انادیلیم-منیم کیملیگیم
پاسپورتوم-اوزومه اوز حاکیملیگیم
منیم منلیگیمین فسونکارلیغی
دانیشان کمالی عاغیلدیردیلیم
ملتین وارلیغی یوردون وارلیغی
سنین وارلیغیناباغلیدیر دیلیم
منی هم باباما هم ده نوه مله
باغلاییب اوزانان تاریخ باغیمسان.
دوننیم صاباحیم اوسته لیک هله
منیم سوز هنریم سس بایراغیمسان
سنسیز آذیم-حرام وطنیم حرام
آناسودو کیمی حلالیم دیلیم.
هاردا سن وارسانسا اوردا من وارام
ائی منیم اولدوزوم هلالیم دیلیم
داشلادان سوزولدون سن زامان-زامان
سویو صافلاشدیریر داشدان کئچمه سی.
یاراندی دوم دورو دامجیلاریندان
بایاتی چشمه سی داستان چشمه سی.
سوزو اوز یئرینه قویماق تهرینی
اوستادلار اویرتدی بیزه بیربه بیر.
سنین قدرتینی سنین سحرینی
گوستردی دونیایا فضولی صابر.
منیم آنا دیلیم معجزه م سئحریم
چپرلر داغیدار قاپیلار قیرار
بعضن بیرجه کلمه ن ان درین فیکرین
اوستونه نور سالیب جلالاندیرار.
فرقینی بیلمه ییب آغدان قارانین
آدام وار بودیلی یاد سایار بو گون.
دده سی بو دیلده جبهه یارانین
اوزو اوزگه دیلده بانلاییر بوگون.
هانسینی سویلیم!میسمی دمیرمی!
یالنیز اوز سسیله جینگیلده میر می!
میس سسی بنزه مز دمیر سسینه
اونلارین دیلیدیر اونلارین سسی.
بنزه مز بولبولون ترانه سینه
قارغا قاریلتیسی هوپ-هوپ نغمه سی.
نه یارپاق نه کولک مئتال نه قوش
سسلنمیر اوخومور اوزگه دیلینده
بس سنه نه دوشوب آی دیلی یانمیش
یاد دیلده اوتورسن اوز منزیلینده!
ناموسدان بی خبر وجداندان اوزاق
وظیفه کورسوسو مرامدیر سنه
وطن دیلینی سئومه ین آلچاق
وطنین چورگی حرامدیر سنه
منیم منلیگیمین فسونکارلیغی
دانیشان کمالی عاغلیدیردیلیم.
وطنین وارلیغی خالقین والیغی
سنین وارلیغینا باغلیدیر دیلیم.
آقوست2000
fatemeh-t )
مهدی محمودی
aynaz tabrizi
محمد گرگرلی
تورک اوغلو
تایماز مییانالی
دان اولدوز* (آسلیم)
نارداناا
ساوالان تبریزلی
آیلار . ساوالان
تراکتور
ایوا هیوا
علی احمدی
فرشید مهدوی
جعفر احمدیه
miladdanzheh
مهدی بی
خانه
مطالب(3)
دوستان (16)
گالری تصاویر (0)
کلیپها (0)
نظرسنجی (0)
سایت و اپلیکیشن آموزش زبان انگلیسی urg.ir
چگونگی درج آگهی در سایت و قسمت تبلیغات
تلگرام 
فیسبوک
تویتر