بوداقدان آسلانان سارالمیش یاپراق
خزان کولکلری سنه زور گلیر
دوشور خیالینا یازین خوش گونو
یاشیل لیق حسرتی کؤنلونو دلیر
***
بیر واقت گؤزللیگین نیشانه سی دین
ایندی سانیرسان عؤمروندن نه قالیر
دوستلارینی گؤزلرینین اؤنونده
خزان کولکلری بیر به بیر سالیر
***
ساغ طرفین سول طرفین بوشالیر
گؤزون قالیب یولدا نوبتین گله
قییمازدین جانینا ایندی نه دن دیر
حیاتی تاپشیرماق ایسترسن یئله
***
قوشلارآرتيق کؤچوب، یانینا گلمیر
داها ایشیلدامیر او سولغون اوزون
او دادلی نغمه لرداها دویولمور
خیشیلتیدان باشقا قالماییب سؤزون
***
یاشیل بایراق کیمین دالغالانیردین
ایندی اما دونوب داشا دؤنوبسن
اؤیله سارالیبدیر سولوبدور اوزون
سانکی اود توتوبسان اوندان سؤنوبسن
***
اوجالاردا عؤمور سورن یاپراغا
چوخ چتیندیر یئر ده پریشان اولماق
بوگوشه دن او گوشه یه سورولمک
دوشوب آیاغلارین آلتیندا قالماق
***
باهاردا آغاجدان ذؤوق آلان اینسان
آیاغلاییر کئچیر هئچ اینجیمه دن
اوگؤزل باغچانین باغین بزه گین
بیر کره خیالا گتیرمیر نه دن
***
کولگنده دینج آلاردی مینلر اینسان
ناز چکردی عاشیق اوز سئو گیلیندن
باشیمیز اوستوندن آیاغا دوشن
اویازیق یاپراغا نه این وار دئنن
***
دردینی آنلارام ای یازیق یاپراق
قدیر بیلن یوخدور فانی دونیادا
آیاغلاییر کئچیر خزل دئیرکن
هئچ کیم یاشیل ليغی سالمايير یادا
سعيدفيوضات9/7/81
ترکی آذربایجانی
تورکجه شعرلر
حکایت لر
اعضای انجمن(160)
fiyuzat )
خانه
مطالب(13)
دوستان (4)
گالری تصاویر (0)
کلیپ‌ها (0)
نظرسنجی (0)
چگونگی درج آگهی در سایت و قسمت تبلیغات
سایت و اپلیکیشن آموزش زبان انگلیسی urg.ir
تلگرام 
فیسبوک
تویتر