من سیز گوزلیم هانسی دیاره سفر

من سیز گوزلیم هانسی دیاره سفر
کونلومده اولان عشقی عزیزیم کدر ائتدون
سالدون منی هجرانه اوزون وصلته ائتدون چاتدون
بایقوش کیمی یالقوز نئجه بی بال و پر ائتدون
یاز مه لری تک سینه ده قلبیم دوتولار کن
آغلار گونه قالدیم منی سن اشک تر ائتدون
گویا کی یوخیدون منی رویایه آپاردون
خلوت ائلدون بیر گئجه منلن گذر ائتدون
بیر آیلی گئجه سن منه آهو باخیشونان
اوت سینه مه سالدون اوره گیمده اثر ائتدون
عشقیم سنی صیاد کیمی چکدی شکاره
یلمم بو شیرین صیدی نئچون سن زهر ائتدون
ایندی گوزلیم من سنه صید اولموشام آخر
سن تیر فراقونله منی خون جگر ائتدون
به به نه گوزل آچمیسان ای غنچه دهن گول
گوز باغلا فلک غنچه می شاید نظر ائتدون
سن سیزلمیشم گل گوزلیم سینه مین اوسته
بو غملی سازیملا گئجه شاید سحر ائتدون
آواره قالیب آغلورام اوز حالیمه نیلیم
اوز عاشیقینی عشقینه خاطیر ملر ائتدون
فکریمده دیردیم منی هئچ تک قویا بیلمز
من سیز گوزلیم هانسی دیاره سفر ائتدون...