بهانه سیز گئت

گئتمک ایسته ییرسن بهانه سیز گئت

 اویاتما مورگولو خاطیره لری

سسین همین سسدیر، باخیشین اوگئی

گئدیرسن سسین ده یاد اولسون باری

سن دنیز قوینونا آتیلمیش چیچک

 اوستونه دالغالار آتیلاجاقدیر

ساختا محبتین ، ساختا سند تک

نه واختسا اوستونده توتولاجاقدیر

یوللار تک دوشه نیب آیاقلارینا

سنه یالواریممی ؟! بو مومکون دئیل

قویمارام قلبیم تک وقاریم سینا

آلچالیب یاشاماق عومور- گون دئیل

دئمیرم سن اوجا بیر داغسان اییل

دئمیرم علاجیم قالیبدیر سنه

نه سنده محبت قارا پول دئیل

نه من دیلنچی یم ال آچیم سنه

گئتمک ایستییرسن او یول اودا سن

بیر جوت گوز باخاجاخ آرخانجا سنین

 گئتدین می ؟ نه واخسا دونمک ایسته سن

تیکانلی یاستیغا دونه جک یئرین

گگئتمک ایسته ییرسن نه دانیش نه دین

یوخ اول اوزاقلار تک دوماندا چنده

نه ییمی سئومیشدین دئیه بیلمدین

ایندیسه یوز عیب گورورسن منده

شعر:نصرت کسمنلی