عارف حسین دن بیر گوزل شئعر

ائله کسلر گؤرورم بیلمه ییر اؤز دوغما دیلین

اونودوبدور نئجه ده دوغما کؤکون ، دوغما ائلین

باشقا خلقین دیلینی بیلمه یه وار احتیاجیم

آنجاق اؤز دوغما دیلیمدیر باشیم اوستونده تاجیم

اوندا واردیر آنامین لایلاسینین سود قوخوسو

من اونونلا اوخورام نغمه نی کؤنلوم دولوسو

او منیم داغدا چوبان قارداشیمین نئی سسی دیر

قوچ کور اوغلویلا ،ایگید بابکیمین نعره سی دیر

دیلیمین هر سؤزو ، هر جومله سی شهرتدی بیزه

کیم اونا حؤرمت ائده رسه ، ائله حؤرمتدی بیزه