حبیب ساهیر

کهربادن آچیق عاج رنگینه ماییل مرمر،

و او مرمردن اولان هئیکلی تصویر ائدینیز...

ایستی بیر گنده، دنیزده یویونارکن گؤردم،

عا شیق اولدوم اونا، یادیندا می، آی ماوی دنیز؟

***

ساده بیر حس دئگییلدی، سو قیزییدی او گؤزل،

یا سولاردا آچیلان هاله‌لی نیلوفر ایدی...

لاجورد پرده ده افسانَوی بیر طوریله او

گلد بیر آز منه، قارشیمدا گلرکن اریدی!

***

اَریدی، کؤلگه نئجه گؤلده اَریر، حلقه‌له نیر،

اَریدی حلقه‌لنن موجدا نایاب اولدو...

لاجورد پرده ده اول نقشِ دل انگیزِ خیال،

صبح عؤمرمده آچان سئحیرلی بیر خواب اولدو...

شعر : حبیب ساهیر