باسلام و احترام فاطمه بیرامی هستم یکی از کاندیدهای شهرستان میانه

اسپیکر هاتون رو روشن کنید....

ای مـلک صـفا شهریم ، ایـستکلی میـانه م سن

عشقیم سنـه بونـدان کی ، کـاشانه و خانه م سن

غمدن داغیلیب زولفوم ، چک شانه کی شانه م سن

جـان تـاپماغا احساسیم ، سن تکـجه بهانه م سن

ای قلبیمین آرامی ، آرامش جان شهریم

دامـان طبیـعت سن ، ائللر هـامی مـدهوشون

اولدوزلا گوروشماخدا ، گویدن اوجا بزقوشون

دور نـازلی  چیچـکلردن،گولدن بزه تنپوشون

چَــک نعره شیرانه  قـافلاندی هـم  آغوشون

ای داغلارینین باشی،غمنن آغاران شهریم.

سردفتر  تاریخین ،  راسـینده دی ایثـــارون

ایثـارینـه درس آلمـیش ، دهقــان فـداکــارون

قلبینده  یـاتیب  سـوزلـر ، مـین سـرّیلی آثـارون

قیزکورپی سی سینماخدا ، یازمیش اوزی اسرارون

ای  جمله  گوزللیغدان ،عزّت قازان شهریم

ای  مـهد هـنر پـرور ، مـحرابِ هـنر سندن

سایسیز دی هنرمندون، عاشقلره  سر سندن

سـارنگی خـمار ایلر ، یـللر کی اسـر سندن

چون حِسّی گلر جوشه تاپدیخجا  اثر  سندن

افسانه لی مجنونلار - باشدان یارادان شهریم

شهریم  کرمون آرتیر ، شیران جهان بسله

داش مسجدی مثلینده،گورکملی مکان بلسه

یول سال جمال آبادان ،یورقونلیق آلان بسله

اولاد علی قبرین ،سینونده نشان بسله

ای اصل  ارادتده، پیمانی اولان شهریم

هر گون  بـاش اوجـالـدیلار، یـوزلـرجه سـرافرازون

فـخر ایله قــانـاتلانسون ، چَـک گـویلره پـروازون

قوی عشقی شکار ائتسین،خوش پجنه لی شهبازون

بـه بـه نـه گـوزل سـازیـدیر، مـستانیلـه دمسازون

ای غمزه لی عاشقلر، شوقینده جوشان شهریم

سندن یارانیر احساس ،خوش نغمه لی توپراق سان

یــوخ خـدشه وقـارونـدا ، ســن شـهره آفـاق سان

سـن مــهد شــهادتـسن ، مــنظومه عُـشّاق سان

اثبات ائـله دون الحق ، جـان ورماغا مشتاق سان

ای جسمیمی  افلاکه ، فکری آپاران  شهریم.

داغـــلار سـنیلن بـاهم ، صـفلرده  مـنظم دی

اهریمنینه قوی چاتسین ، ویرانه سی برهم دی

بـیز قـویماروغ ال تـاپسین ، بـیگانه  مسلّم دی

یوخ قورخی اورکلر ده ، قیز قلعه سی محکم دی

میدان شهامتده ، محکم دایانان شهریم

کین بسلدی دشمنلر، چون ناز نگاهیندن

لیلانی چکیب داره ،گیسوی سیاهیندن

نیسکیلره توش اولدی، نارکرده گناهیندن

باتماز قانی  مظلومین، گویلر یانار آهیندن

ای مدرسه عشقی، اوتلاردا یانان شهریم

"راضی" دیورم دوشسم، بیر گون میانام سنسیز

نفرین اولا گونلر کی ، غربتده  یانام سنسیز

چایلاردا گلن  وقتی،  شهریم جالانام سنسیز

سرچَمده دونم ساقدان، گئدسم آزانام سنسیز

یازمیش سنه عشقیندن، نیسگیلی یازان شهریم