ائلمان موغانلی دان بی شعر

گؤز یاشیملا شور گؤل یاراداجاغام
اورک گمیسیله اوندا چاپاجام
هر زامان یانیندا قالماقدان اؤترو
گؤزل ساحیلینده چادیر قوراجام
بیلسه لر سیلرلر آدین نقشه دن
آدین یالنیز اوره گیمه ووراجام
شئعیر دفتریمی آپاریب اورا
کؤنلومدن کئچه نه شئعیر یازاجام
دگر وئره جه یم مرد اوغول لارا
نامردی شئعریمده داردان آساجام
اوتماسین سئوگیلی بالیق لاریمی
گولله ییب ناققالاری قیراجام
تاریخدن ائده جم درسیمی ازبر
گئجه گوندوز کئشیگینده دوراجام
هر کیمسه خور باخسا گؤز یاش گؤلومه
درمانا گلمه ین درده سالاجام

ائلمان موغانلی