86 بوندان اؤنجه (رضا خان میرپنج) آدیندا بیر قولدور ایران اؤلکه سینین حاکیمییتین الینه آلان زامان کیمسه آذربایجاندان 7000 ایللیک تاریخ بیر ایلین بویوندا 2500 ایل تاریخه چئوریلمه سینی اینانمازدی.کیمسه 1000 ایل حؤکومدارلیق دان سونرا کیملیک لرینین تاپدالانماسینی اینانمازدی.آنجاق بونلارین هامیسی بیر گئرچکلیگه چئوریلدی.آذربایجان دا تورک دیلینده مدرسه لرین قاپیسی باغلاندی،بوتون آذربایجان شهرلرینین آدلاری بیر قوندارما آدا چئوریلدی،تئهران شونیست لرینین طرفیندن تورک لره قارشی گولمه جه لر باشلاندی.تورک لره قوندارما بیر کیملیک(آذری) وئریلدی.بوتون تورپاق سئون اینسانلارا کمونیست دامغاسین ووردولار و دوستاق لاری دولدوردولار.
1320نجی ایلده کی رضا خانی اؤز اربابلاری سورگون ائتدیلر و محمدرضا پهلوی نی آتاسینین یئرینه قویدولار.آذربایجان خالقی اؤزگورلوگون دویغوسوایله بیر آزجا تانیش اولدولار.
آنجاق سید جعفر پیشه وری کیم ایدی؟
جعفر پیشه وری بیر آذربایجانلی اولاراق،هرزامان بو تورپاغا اوره ک یاندیریبدیر.(1919_1920)نجی ایلده گیلان دئوریمینده توتولدو و 20 ایل یاشامیندان دوستاق دا و سورگون ده گئچیتدی.1320 نجی ایلده دوستاق دان چیخدی وتئهراندا (آژیر) قزئتین یولا سالدی کی تئهراندا ان چوخ ساتیشی اولان قزئت لردن بیرایدی.پیشه وری 14 نجی پارلمان سئچکی سینده ایشتراک ائتدی و پارلمانا یول تاپدی.آنجاق پارلمانین آدای لاری(نماینده لری) اعتبار نامه سین قبول ائتمه دن اونو پارلمانا قویمادیلا.
1324نجی ایلده میر جعفر آذربایجان دموکرات حزبین تشکیل وئردی و 21 آذرده اؤز یولداشلاری ایله کی دوقتور جاوید،شبستری جینابلاری و هابئله فریدون ابراهیمی نی آد آپارماق اولار آذربایجان دا بیر خود موختار دولت قوردو. بو قیسسا زامان دا پیشه وری و اونون یاردیمچیلاری بیر سیرا ایشلر گؤردولر کی پهلوی لر 20 ایلین بویوندا هئچ بیرین گؤرمه میشدیلر.
تبریزین بیلیم یوردو قورولدو،تورک دیلینده مدرسه لر یئنیدن آچیلدی و کیتابلارین هامیسی تورک دیلینده یازیلدیلار. ایلک دفعه اولاراق قادین لارا ایجازه وئریلدی رفراندوم دا ایشتراک ائدسینلر،دمیر یول لاری چکیلدی،فئودال لاردان گوج آلیندی و میللتین اؤزونه قایتاریلدی و....
پیشه وری هئچ زامان آذربایجانی ایران اؤلکه سیندن آیری بیلمه دی و هر زامان بو توپراغی ایران سینیرلارینین ایچینده ساندی.1325 نجی ایلین گولن آیینین 8 نجی گونونده تئهران-تبریز آراسیندا آنلاشما باغلاندی کی آذربایجانی ایران سینیر لارینین ایچینده اولماسین بللی ائدیر.
آذربایجان میللتی اهانت لردن قورتولموشدو و یاخشی گون لر گئچیردیردیلر. آنجاق بو گون لر بیر ایل دن چوخ چکمدی. پهلوی رژیمی آمریکا ارتشینین یاردیمی ایله تام گوج لرینن آذربایجانا یوگوردولر. زنگان و مییانادان گئچندن سونرا تبریز سقوط ائله دی و 75000 آذربایجانلی اؤز قانلارینا بویاندیلار چوخلاری سورگون اولوندولار و بیر سیرا آذربایجان گنجلری دوستاق لارا گؤندریلدی کی (صفرخان) بیر نمونه سی اولاراق؛30 ایل دن چوخ پهلوی لرین دوستاق لاریندا قالدی. بو سوی قیریم دان 5 گون سونرا رژیم بوتون تورکو کیتابلاری یاندیردی.
آذربایجان دموکراتی باسقین یئدی و پهلوی لر یئنیدن آذربایجانا صاحب اولدولار. آنجاق سید جعفر پیشه وری بیر قهرمان کیمی آذربایجان خالقینین یادداشلاریندا قالدی.
به علت هزینه های بالا ممکن است سایت از دسترس خارج شود.
لطفا ما را در اینستاگرام دنبال کنید.
ساغول قاچاق نبی/یاشا
گئلجک بیزیمدیر
چوخ ساغ اولون.
خائن اولان قویوب قاچار
مللتی قیرقینا سالار
سویلارینی دا سیندیرار