دنیا

 

اورک سندن یارا دنیا!

آغا بنزه ر قارا دنیا!

بزه نیرسن آی قوجا قورد

هر بیر کورا- کارا دنیا!

بئل باغلامام سنین کیمین

وفاسیز بیر یارا دنیا!

آغیل سیزلار قالار سنه

یالوارا - یالوارا دنیا!

اؤزون قالیب قارونلاری

تاپشیرارسان گورا دنیا!

باداملارین چاغالادی

اوزوملرین قورا دنیا!

منی بو کال آرزولارلا

آپاریرسان هارا دونیا؟!

من دانمارام وارلیغیوو

یوخ دئمه ره م وارا دنیا!

سنله گرگ گئچینیشم

یوخدور سنه چارا دونیا!

آمما سنین ایتگین یولون

قویمام منی یورا دنیا!

سندن منه دنیا چیخماز

یاریمچیلیق پارا دنیا!

هاردا قالدی خان چوبانین

هارا گئتدی سارا دنیا؟!

دیوار چکمه قوی یئتیشسین

ایستکلی یار  یارا دنیا!

بیر کره ده آرزو باغی

قوی اوتورسون بارا دنیا!

سیزیلدامیرسازیم سنی

آدین دوشمور تارا دنیا!

مندن بیرآز آرالی گز

قاریشماسین آرا دنیا!

من جنت ده اوچان قوشام

سن قال قارغالارا دنیا!