پنجره دن کؤچه ن آی

      هله ده وار فکر ائدیرم پنجره دن کؤچه ن آیا

      صبحه قدر آغلاییرام اولدوزلاری سایا_ سایا

     تاپشیریرام باخیشیمی، رویامداکی ناخیشیمی

     بولود کیمین چاخیشیمی ، سارایی آپاران چایا

     سکوتومو سیندیران یوخ، سنسیز منی دیندیره ن یوخ

      نئیله ییم کی های وئره ن یوخ ، دیلیمده سولموش هارایا

      سنی سئومک گوناهیم دی ، سؤزوم یانیقلی آهیم دی

      قورخوم یوخ کی،پناهیم دی ، سئوگی کیمین اوجا قایا

      سندن اورک دویمویاجاق، منده کی اود اویمویاجاق

      عشقین اَلی قویمویاجاق، یورغون آیاقلاریم جایا

                                                                             « اسماعیل فرزانه»