تورکی شعر

بار ایلاها اوزون بیلن یاخیشدیر

کیمی شاه ائده سن کیملری گدا

کیمه وار وئره سن کیم اولا یؤخسول

کیملر سوار اولا کیملر پیادا

کیملر گونش کیمی نور ساچا گؤیده

کیم قالا چیراغسیز قارانلیق ائویده

کیملر بارسیز اولا دؤنه سؤیوده

کیم بارلی آغاج دک باغی باریدا

آمما یارب فورصت وئرمه ظالیما

اینصافسیزلار رحم ایله میر مظلوما

قالماییبدیر تاب تاوان ظولوما

اؤزون یاردیم ایله یئتیش فریادا

روزیگار هرنی بیر ایرنگ بؤیور

یارب سن بیلیرسن کیم کیمی سؤیور

یؤخسوللارا وار وئر آجلاری دؤیور

اومودام طاغتیم یؤخدور بیدادا

اومود زنگانلی