یادداشتی در شرحی بر«نقدی بر فیلمهای پان » نوشته چیچک - اکبر پاشایی

من اونجه چیچک باجیم و اکبر قارداشیمدان تشکر ایله ییرم کی سوزلرین آچیق و دوزگون یازیب و بیر اونملی قونویا تیک ووروبلار ، منده اوزومه وظیفه بیلدیم بو مطالیبلره بیر توضیح وئرمه کله اونو بولد ایله یه م !

دئمه لییم بو سوزلر بللی اولدوغونا گوره بیلر بیلمز هامی میز هر گون فیلملر ده ، سینمالاردا ، میللی tvده !، گونده لیک و آیلیق و . . . درگی لرده گوروب ،اوخویوب وائشیدیریک و قارین کوپو آلماق ایچین

اولماسادا بیری بیریمیزه تاسفله تعریفله ییب و چوخ یونگول ساییب سووشوروق

بیز اونجه بیلمه لی ییک بیزیم قانونی حق لریمیز بو ایشلرین قارشیسیندا ندیر ، سونرا اوز پاییمیزا قدر بو ایشلرین قاباقین آلماقدا نه ایله مه لی

1-بیز بیر مسلمان اولدوقجا بیلمه لی ییک بوتون مراجع تقلید بیر لهجه نی ، دیلی و قومی لاغا قویماقی حرام بیلیرلر (توهین و تمسخر اقوام و ،زبان و لهجه های آن حرام است )

2- بیر ایرانلی اولدوقجا بیلمه لی ییک قانون اساسی نین 14، 15 ،19، 48 اینجی اصل لرینده قوملارین و اونلارین دانیشدیقی دیل لری محترم سانیلیر

3-بیر تورک اولدوقجا بیلمه لی ییک تورک دیلی هنر دیر و تورکون فرهنگی زنگین ، دیرلی ، درین و احتراملی

بئله لیکله کیمسه بیزیم دیلیمزی ، و اوزوموزو روزنامه ده ، فیلمده ، تلویزیوندا ، سینامادا و . . . هاردا هاردا لاغا قویسا دینی دوروموندا حرام وگناه قانون اساسی دوروموندا متهمدیر !

و بیز تورک لرین نظریندن بیر آلچاق و منطق سیز اینساندیر

بو اینسانلارین قارشیسیندا نه ایله مه لی ییک ؟

1- بیز اوخویوب و اوز دیلیمیز ، فرهنگیمیزی و تاریخی میزی آرتیق تانیمالییق و قورومالی ییق

2- بو اینسانلارین یاراددیقلاری (البته قوسدوقلاری!) روزنامه ، فیلم ، سریال و . . . تحریم ایله ییب اونلاری آلمایاجاقیق

3- اوز دیلیمزده دانیشیب ، یازیب و اونو دوزگون تانیتمالی ییق

4- کیمسه نین لاغی نین (مسخره سینین) قارشیسیندا منطقله جاواب وئرمه لی و احتراملار قارشیلاشمالی ییق

مثلا اولوب بیر روزنامه ، تلویزیون برنامه سی و فیلم کارگردانینا زنگ وووروب منطقلی اعتراض ائده سیز ؟

و . . .

منجه بوتون یولداشلار مندن یاخشی بیلیرلر داها نه ایشلر گورمه لی ییک بونا گوره ده اوز اونرلرین(نظر) اسیرگه مه سینلر (دریغ نکنند)