عاملان قطع آب مرکز سالمندان میانه شناسایی شدند!

خجه ننه و مش حسین آلی

بوی ایکی آق بیر چک و آق ساققال ، خانه سالمندان میانانین ساکنی بیر فیتنه ده باعیث اولوبلار اداره محترم آب و فاضلاب شهرستان میانه و مسئولین محترم خانه سالمندان مظلومانه مورد انتقاد اولالار !

آقای مختاری نین گزاریشینه گوره  : همه مسئولیت را متوجه اداره آب نکنیم آنها خبر نداده اند و مسئولین مرکز هم حتماًاز نوع امتیاز آب شان بی خبر بوده اند وگرنه قبلاً تغییر می دادند.

بیر انحرافی حرکتده بو ایکی نفر خانه سالمندانین سویون قطع اولماسیندا مقصردیلر !

بونا گوره گولمه لی بو ایکی نفرله بیر مصاحبه آپاریب :

گولمه لی : خجه ننه ! هوی خجه ننه ،  مش حسین آلی هوی مش حسین آلی  بئله نیه جاواب وئرمسیز!؟

دیه سن ائشیدمیسیز ؟ یوخسا گوزلریزده گورمور ؟!

خجه ننه : بالا سن نیه فقط گولورسن گل یوخونا گوزلریم سئچمیر گوروم نه دییرسن ؟

گولمه لی : بو ایشلر ندیر گوروبسیز سیزدن بعید دیر ؟!

او ایکی قوجا: ساغ اول بالا یاخشی گلیبسن اوره گیمیز داریخیردی ! آخی بیز کیمسه سیز بو ائوده اوتورولموشوک

گولمه لی : بیلیرم سوروشورام کی : بو ایشلر ندیر گوروبسیز سیزدن بعید دیر ؟!

او ایکی قوجا : 90 دان یوخاری سینیمیز وار گوزلریمیزین ایشیقی آلینیب ، قولاقلاریمیز داری دوشورور ، اوشاقلاریمزدان نوه لریمیزدن خبریمیز یوخ و . . .

گولمه لی : دییه سن باشا دوشموسوز دییرم کی : بو ایشلر ندیر گوروبسیز سیزدن بعید دیر ؟!

او ایکی قوجا  : ال ایاقیمیز اسیر ، دیلمیز دوداقیمیز توتولور دانیشماقیمیز دا چتین اولوب !

گولمه لی (اوجادان) : آی ننه ، دایی سن آلاه جانا گلدیم منیم سوزلریمه جاواب وئرین ؟

او ایکی قوجا : بالا سن چوخ دوزلیسان ، یالاندان دوداقلارینی ترپدیب گولورسن ، آلاه سنی ساخلاسین

گولمه لی : ساغ اول ننه ، آما قولاق آسین دوزدو گوزلریز گورمور ، قولاقلاریز ائشیدمیر ، فامیل لریز یوخلامیر ، و . . . ای ننه ای دائی سیز 90 دان یوخاری یاشاییبسیز  ، نیه سویون دورومون (وضعیتین)خبر وئرمه ییب سیز

او ایکی قوجا : هه بالا ، جاوانلیقیمیزدا چالیشیب اوزوموزه داغا داشا چیرپیب  عایله میزه یئتیشمیشیق و . . .

. . . .

چوخ دانیشاندان سونرا (کی چوخوندان باشیم چیخمادی ) اذان واقتدی یئتیشدی

خجه ننه : مش حسن آلی دور دستنماز آلاق نامازیمیزی قیلاق

مش حسین الی : خجه باجی سو یوخدور اولسا دا  دورا بیلمیریق کی ، هر گون کیمی تیمم ایله !؟؟ . . . . ..

...

دوزون ایسته سه نیز  داها سوزلرینه قولاق آسمادیم ، آخی اوزلرین وورموشدیلار او یولا !

من نه سوروشدوم ترسینه جاواب آلدیم ،

نتیجه آلدیم کی :

• قوجالار تیمم ایله ییرلر سو یون مصرفی آزدیر  ، اولوب اولماماقین تاثیری یوخ ، ضمنا ایشمک ایچین آب معدنی صرفه لی دیر
•  بو های کوی یالانداندیر ایسته ییرلر سالمندانین و آب و فاضلابین مسئول لارینین چهره سین مخدوش ایله سینلر یوخسا قوجالارا سو لازیم دییر کی ؟
• بو ایکی نفر قصدان خبر وئرمه ییب لر ( آقای مختاری نین گزارشینه گوره!)