یا ارحم الرّاحمین

ای منی خلق ایلین دنیایه زیور آللّهیم

شاکرم درگاهیوه ای حیّ داور آللّهیم

من بیر عاصی بنده یم سن سن اوغفارالذُنوب

گئچ گناهیمدان منیم سن بیل پیمبر آللّهیم

نعمت عُظمانی سن ائتدون عنایت عالمه

فخریدور ذکرون اولوب هردیلده ازبر آللّهیم

واردی لطفون عالمه ای منشأ جود وکرم

یوخ داخی سندن سورا بوخلقه یاور آللّهیم

سن ائدوبسن عالم امکانی یارب بر قرار

وار عنایاتون هامی خلقه سراسر آللّهیم

چاره سی الدن کسیلمیشلر سنه دردین دیور

چاره سیز درده دواسن سن کی بهتر آللّهیم

چاه ظلمتدن وئروبسن یوسفه یارب نجات

هجریدن یعقوب گؤزون ائتدون منوّر آللّهیم