تکم چی

قیشین آخیر آیی بایراما یاخین « تکه چی » گلر ، قاپی – قاپی ائولری گزر ، « سایا* » اوخویار ، اونون هاواسی ایلا تاققاتاق تکه نی اوینادار و ائودن پول ، قند ، چای و بئلنچی شئی لردن پای آلاردی .

تکه نی آغاجدان یونار ، قیرمیزی مخمره چولغالایار ، الوان پارچالار ، قوتاز ، پونچاق ، بالاجا زینقیروو ، سیککه ، پیلک ، مونجوق و بالاجا آینا ایله بزه یردیلر . بو تکه نی اویناتماق اوچون ، قارینی نا یاپیشیقلی بیر آغاج دسته تعبیه ائده ر لر . بو دسته دگیرمی* شکلینده بیر تاختانین آراسینداکی دلیکدن کئچر ، آشاغی یوخاری و اؤز دؤوره سینه حرکت ائده بیلردی . تکه چی سول الی ایله دگیرمی تاختانین آلتیندان و ساغ الی ایله دسته نین آشاغی باشیندان یاپیشار ، اوخودوغو سایانین هاواسی ایلا تکه نی اوینادار و تکه نین دؤرد ثابت قیچلارینی تاختانین اوستونده تاققاتاق چالاردی . زینقروولارین سسی ده بو سسه قاریشاردی .