تورکچه ده داش/دش اکی

اورتاقلیق، ائشیتلیک، بیرگه‌لیک آنلامی بیلدیرن آدلار، صیفت‌لر تؤره‌در.

گاهدان داش شیکلی سس اویومونا اویمایاراق اینجه اونلولو سؤزجوکلرینن ده گلیر (دش یئرینه) :

دیلداش، دینداش، وطنداش...

تاش/تش بیچیمی ده گؤرولمک‌ده‌دیر.

تاش taş : در آخر الفاظ اعاده‌ی مشارکت کند. (سنگلاخ)

سون حرفی d اولان کلمه‌لرده dAş اکی گلدیگینده ایکی d دن بیری دوشه‌بیلیر.

آداش adaş : آدلاری بیر اولان کیمسه‌لرین بیربیرلرینه ایلگیسی

آنداش andaş : آند ایچیب آنلاشان‏لارین هر بیری

اؤرنک‌لر :

آیداش aydaş : بیر آیدا اولان ایکی اوشاغین بیربیرلرینه ایلگیلری، بیر ایلین قوتارمامیش اوشاق

آرخاداش arxadaş : دایاق، یولداش، یانداش

باغداش bağdaş : دیزلری اوسته بالدیرلارینی بیربیرینه گئچیره‏رک اوتورما دورومو

جیغیرداش cığlrdaş : یولداش، کئچیجی یولبیر، بیر یولا و یا سیاسی و توپلومسال حرکتلره قوشولان و اونونلا آیاق آیاغا گئدن کیمسه (جیغیر: گئدیش گلیش سونوجو دوزلن یول، قاردا آیاقلا آچیلان یول، دار یول، داغ یولو)

چاغداش çağdaş : بیر چاغ‌دا اولان هر نه، یاشادیغیمیز چاغ

امکدش əməkdəş (امکداش) : بیرایشیده اولان‏لار و بیرلیکده ایشله ین‏لر،(سنگلاخ: شریک به رنج)

بویداش boydaş :  بوی‌دا بیر اولان (سنگلاخ : هم قد و هم اندام)

تنکتش tənktəş (دنک‌تاش dənktaş) : کفو و همتا (سنگلاخ)

گؤگول تاش göğültaş : هم شیر، هم مرضعه، برادر یا خواهر رضاعی (سنگلاخ)

قارداش qardaş : قارین‌داش سانیلیر

تایداش taydaş : تای توش، بنزر (همانند، همتا)

آیتاش aytaş : مهوش

آوول تاش avultaş : قونشو آنلامیندا

آوول (/آویل/آولو/آولی): مئیدان، حیط، اوبالار توپلولوغو، یورد، ائلاتلارین توپلولوقلا اولدوقلاری یئر، کؤچری ائللرین اورتاق یئری (ایندی تورکیه‌ده ائو حیطینه دئییرلر avlu)

سوتداش sütdaş : سوت اممکله باجی یا قارداش اولماق (رضاعی)

آرداش ardaş : دال با دال، یان‌ یانا (متوالی، پی در پی)

آرتاش artaş : همراه، دوست

گیزداش gizdaş :  سیرداش، گیز محرمی

قانداش qandaş : بیر قانلی، بابالاری بیر اولان کیمسه‌لر

قولداش qoldaş : آرخاداش، دوست، یاخین، سیرداش (سیراداش)، یاردیمچی، بیربیرینی قوللایان

ائلداش eldaş : یورتداش، ائل بیر

سسدشsəsdəş، یولداش yoldaş، توردش türdəş، اؤزدش özdəş،

یادداش yaddaş : حافظه

آیاقداش ayaqdaş : یولداش، آرخاداش (همپا)

بو اک فارسچادا اولان هم- اکینین تورکچه قارشیلیغی دیر :

هم معنی : آنلام‌داش

هم زبان : دیلداش

همکار : امکدش

همراه : یولداش

همصدا : سسدش

توکمنچه‌دن نئچه اؤرنک :

Yürəkdəş : اورکدش (همدل)

Boydaş: یولداش (قیزلار و قادین‌لار آراسی)

Döwürdəş  : چاغداش

Watandaş : وطن‌داش