لطفا جاوا اسکریپت را فعال نمایید
حسرت یاش اولوب، گؤزلره دولماقدادی، دای گل
گؤز یاشلاری آخماقدا، سئل اولماقدادی، دای گل
هجران تورو دونیانی قفس تک بورویوبدور
دونیا کیمی باغریم دا دارالماقدادی، دای گل
سال داغلارا های گؤگده بولوتلار دیله گلسین
یارپاق کیمی وارلیق بویو سولماقدادی دای گل
هجرینده کئچن لحظه لری یانقیلی ساز تک
قم پنجهسی، آه نغمهسی چالماقدادی، دای گل
سنسیزلیگه دؤزمک نه سایاق مومکون اولارمیش
دؤزدوم، دؤزوموم جانیمی آلماقدادی، دای گل
گل قوی گونشین بایداسی دونیایه جالانسین
باغریمدا قارانلیق ایزی قالماقدادی ، دای گل
یاتماز، یولونو گؤزلریم اولدوز کیمی گؤزلهر
گؤزلر کؤکو حسرتله سارالماقدادی، دای گل
هر گون سحر آددیملاریوین ماهنیسین ایزلهر
آچمیش سحرین باغری قارالماقدادی، دای گل