اوچمییان لاچین

بؤلگو : چئویری (فارسجا دان چئوریلیپ)

بیر شاها ایکی باولی* پای گتیردیلر. شاه اولاردان اوولاما تؤرنینده یارارلانماق آماجییلا  باولی‌لاری ایگیتدیرمک اوچون  سارایین  قوشچوسونا تاپشیردی.

بیر آی سوووشاندان سورا قوشچو شاهین یانینا گلیپ دئدی «باولی‌لارین بیری بئجردی، اوولامایا آنیق‌دی* آمما باش تاپمیرام اوبیری باولی‌نین باشینا نه گلیپ، بیر بیداق اوستونه قویدوغوم گون‌دن بری ترپنمه‌ییپ.»

شاه بو قونونو ائشیتجگین یئتیشکنلیگی توتدو،  سارایین باغشی‌لارینا*،  گییشمن‌‌لرینه* بویروق وئردی لاچینی اوچورتدورسونلار، آمما بو ایش کیمسه‌نین الیندن گلمه‌دی.

 بیر گون سورا شاه بویروق وئردی هامی ائله بیلدیرسینلر کیمسه لاچینی اوچوردابیلسه شاهدان  یاخچی بیر اؤدول آلاجاقلی اولاجاق.

ائرته‌سی گون شاه گؤردو ایکینجی لاچین دا اویناقلییا اویناقلییا باغدا اوچور.

شاه بویوردو لاچینین موعجیزه‌‌چی‌سینی یانینا گتیرسینلر.

 سارای قوللوقچولاری آلچاق گؤگول بیر اکینچی‌نی شاهین یانینا گتیردیلر. دئدیلر بو کیشی لاچینی اوچوردوپ.

 شاه سوروشدو: «سن لاچینی اوچوردوپسان؟ نه‌جور بو ایشی گؤردون؟ اولمییا یالویچی‌سان؟*»

اکینچی دئدی :«افندیم، تورکه‌سایا بیر ایش ایدی، من تکچه لاچین اوستونده اوتوردوغو بیداغی کسدیم. لاچین قاناتلی اولدوغونو آنلادی و اوچماغا باشلادی»

****

سؤزلوکچه:

باولی : لاچین جوجه‌سی

آنیق : آماده، حاضر

باغشی: دوکتور، ساغ‌بیلگه

گییشمن : مصلحتچی، مشاور (گییشمک : مشورت وئرمک)

یالویچی : اووسونچو، بویوچوbüyüçü، (جادوگر)