اوخشارلیق

بیر زامانلار، اؤزوم کیمی، بیر داغ ایدیم
اؤز معدنیم واردی منیم، اؤز چیچگیم
اؤز چمنیم واردی منیم
شلاله‌یدیم*
اؤز باتاغیم*، ال قولوما داردی منیم
اولدوز کیمی، اؤز ایشیغیم واردی منیم
تک اؤزومه بنزه‌ییردیم
اؤز باهاریم، اؤز نوباریم
هئچ کیمسه یه، یوخدو منیم بیر اوخشاریم!
بس آرادان نه گئچدی کی
اؤز اؤزومو دانان اولدوم؟
دامجی کیمی دامان اولدوم
بیرجه سؤزلو گرچک* ایدیم
نئچه سؤزلو گومان اولدوم
بیر قراردا دامجی- دامجی هئی دامیرام
اونا، بونا اوخشاسامدا، تک اؤزومه اوخشامیرام
بو اوخشارلیق بو عئینیییت چمنینده
من اؤزومو ایتیرمیشم، کاریخمیشام
ایندی دؤنوب اؤزوم اوچون داریخمیشام، داریخمیشام

بختیار واهابزاده، آخی دونیا فیرلانیر

****

شلاله : شیرشیر، چاغیلداق (آبشار)

باتاق: اؤز دئدیگیمیز پاتتاق، (باتلاق. مرداب. لجن. لجنزار. گل. رکود. بطالت)

گرچک: دوغرو اولان، یالان اولمایان، حقیقی، اویدورما اولمایان، قوندارما اولمایان، واقعی