منیم تویوغوم آغ ایدی بالام!!

        یاناسان تویوق آپاران

*****************************

بیر قارینین جوت تویوغو وار ایدی

هر گون اونا قشا  یومورتلار ایدی

بیر گن قاری تیوقلاری گؤرمه‌دی

چخ آختاریپ یئرلرینی بیلمه‌دی

 

 

یقین ائتدی تیوقلاری توتوپلار

آپاریپلار بازارلاردا ساتیپلار

آه‌لار چکیپ بو سؤزلری سؤیله‌دی،

گلیپ گئده‌ن اونو گؤرپ دینله‌دی

 

 

یاناسان تیوق آپاران

اتلاناسن تیوق آپاران

نئجه کی من یانیرام

سن ده یاناسان تیوق آپاران

 

 

منیم تگوغوم آغ ایدی بالام

دریسی دلو یاغ ایدی بالام

دنه‌ن بو واخت ساغ ایدی بالام

یاندیم یاناسان تیوق آپاران

اتلاناسن تیوق آپاران

 

 

منیم تیوغوم چیل چیل ایدی

قانات‌لاری میل میل ایدی

تیوق دییل‌دی، بلبل ایدی

آی یاناسان تیوق آپاران

اتلاناسن تیوق آپاران

 

 

منیم تیوغوم ساغ ایدی بالام

انا بنزه‌یه‌ن آز ایدی بالام

تگوق دییل‌دی قاز ایدی بالام

یاندیم یاناسان تیوق آپاران

اتلاناسن تیوق آپاران

 

 

یومورتاسی دادلی ایدی

قوش کیمی قاناتلی ایدی

هر تکو بیر سازلی ایدی

یاندیم یاناسان تیوق آپاران

اتلاناسن تیوق آپاران

 

 

منیم تیوغوم آغ باش ایدی

انو آپاران فرراش ایدی

اغرولارلا یولداش ایدی

سنی یاناسان تیوق آپاران

اتلاناسن تیوق آپاران

 

 

منیم تیوغوم هاوادا بالام

ایکیسی گلیر تاوادا بالام

خبر وئرین جاوادا بالام

آی یاناسان تیوق آپاران

اتلاناسن تیوق آپاران

نئجه کی من یانیرام

سن ده یاناسان تیوق آپاران

 

 

********************************************

 

  

 

قایناق : ایران تورک ادبیاتی آنتولوژیسی، علی قافقاسیالی، آتاتورک بیلیم یوردو