هرکسین یاخشیلیق لارین آختاریب تاپمالی سان

بیر قوجا خانیمین ایکی دنه کوزه سی واریدی، اونلاری بیر آغاجین ایکی طرفینن آسلایب چینین ده سو داشییاردی.

کوزه لرین بیری نین چاتتاقی واریدی و سویون بیرازی هر سئری یئره تؤکولوردو او یئرده کی او بیرسی کوزه سالیمیدی و سویو تامام مقصده چاتیردی.

نئچه گون لر، نئچه آی لار بو ایش تیکرار اولوردو و خانیم بیر کوزه یاریم سو ائوینه آپاریردی.

اما سینیق کوزه اولدوقو موشکلیندن چوخ دیلخوری دی، چون تکجه ائلییه بیلیردی وظیفه سینین یاریسین گؤرسون.

نئچه مددتدن سونرا، سنیق کوزه دیله گلدی قوجا خانیملا دانیشدی.

قوجا خانیم گولومسوندو سونرا دئدی: سن هئچ فیکر وئریب سن یولدا اولان گوللر سنین طرفینده گؤوریب دیر اما سالیم کوزه نین طرفینده یوخ؟

اگر سن سینیق اولماسایدین بو گؤزللیک منیم ائویمده اولمایاجایدی.

من نئچه ایل دیر بو گوللری دریرم و اونلاریلا ائویمی بزییرم.

بیزیم هره میزین خاص عیبیمیز وار، خاص سینیقیمیز وار، اما او عیب و ایرادلار یاشایشی بیری بیریمیزین یانیندا لذذتلی ائلییر.

هرکسین یاخشیلیق لارین آختاریب تاپمالی سان.