درباره من

یا رب نه راوادیر بو یازیق جانیمه باخمان
آتشده یانان جان پریشانیمه باخمان

هجران گئجه سینده بو نه سودادی الهی
اشکیم کیمی بو گوهر الوانیمه باخمان

چای-چشمه زلال اولسا اونون حیرتی اولماز
گوزلردن آخان «دجله» کیمی قانیمه باخمان

قلبیم قوزو قربانی دی، من «هابیل» دوران
آیا نه اولوبدور قوزو قربانیمه باخمان

چون حب علی واردی وجودومدا الهی
محشر گونو انشالله بو عصیانیمه باخمان

«ناظم» گئنه سن رشته ی معنایه نه دوزدون
بو شعری یازاندان بری دیوانیمه باخمان

 
آخوند ملا علی مانشانی «ناظم»
1268 ه. ش (1346/09/12)

 

درج شده در تاریخ ۹۵/۰۳/۳۰ ساعت 15:57

کاربران آنلاین (0)