تسلیت شهادت امیرالمومنین(ع)

شیعه لر محرابیده مولامیزین

ابن ملجم ویردی یاره باشینه

نه علیه رحمی گلدی ملعونین

نه ده ئوز شمشیرینین قان یاشینه

شمشیرین اولماز خلایق تک گؤزی

اما راوی نقل ائدیردی بو سؤزی

آغلییوردی زهریلی شمشیر اؤزی 

نجه دگسین مرتضانین باشینه

ظالمین شمشیری دوتموشدور عزا

بلکه عبرت ایلییه اول بی حیا

ائتمه دیر کافر ولیکن اعتنا

ویردی یاره احمدین قارداشینه

ناطق قران بویاندی قانینه

چوخ طبیبلر گئتدیلر تئز یانینه

قالدیلار حیران هامی درمانینه

عالمین یالواردیلار فراشینه

دردینه مولامیزین ایله دوا

زینبه خاطر علییه وئر شفا 

چونکی زینب چوخ گؤرجکدیر بلا

چوخ دوتاجاقدیر عزا قارداشینه

دوتدولار گؤیده ملایکلر عزا

قالدیلار یارب یتیملر بی غذا

یاره لندی شاه مردان مرتضی 

قانلی باش شکر ایلدی نقاشینه

ساقی کوثر دئدی مستانه وار 

کعبه نین آللاهی ای پروردگار

آدینا آند اولسون اولدوم رستگار

باخ علینین بو دل بشاشینه