یار آغلادی من آغلادیم

یارین بویون قوجاقلادیم یار آغلادی من آغلادیم

ییغیشدی قونشولار بوتون جار آغلادی من آغلادیم

باشیندا قار قالان داغا دانیشدیم آیریلیق سوزون

بیر اه چئکیب باشیندا کی قار آغلادی من آغلادیم

طاریمدا نار آغاجلاری منی گوروب دانیشدیلار

بویومو زیتون اوخشادی نار آغلادی من آغلادیم

ائلئی کی اسدی بیر خزان تالاندی گوللریم منیم

خبر چاتینجا بولبوله خار آغلادی من آغلادیم

اورک سوزون دئدیم تارا سیملر اولدو پارا پارا

یاواش یاواش سیزیللادی تار آغلادی من آغلادیم

دئدیم کی حق منیمیکدی باشیمی چئکدیلر دارا

طناب کسنده بوینومو دار آغلادی من آغلادیم

((جعفریم)) بویوم بالا غم سینمده قالا قالا

یار جانیمی آلا آلا یار آغلادی من آغلادیم

استاد هوشنگ جعفری