قیلمیر ایکی رکعت نمازین هفته به هفته جمعه نمازیندا دایانیر اوله صفده

 

دوشوب ناله ی ظلم داغدان داغا

علی ذوالفقاری دوشوب توپراغا

عدالت جهاندا  ائولوبدور  آغا

بیری یئر تاپانمیر گئجه یاتماغا

بیری آلدیریر ات ایته آتماغا

بو تبعیضیدن سینه زار اولدی    گل

وریب الدن انسان دل و جانینی

چکیب لکه ی ننگه دامانینی

ایتیردی بشر راه عرفانینی

ساتیر قارنینا خاطیر ایمانینی

بشر گئور نجه جیره خوار اولدی گل

بیر عده سالیب عالمه زلزله

بیر عده اولوب بدتر از حرمله

یالاندان دئیرلر آغا کاش گله

ولی هاردا فرصت سالیرلار ائله

گچیرلر نمازدا صف اوله

بعضی بشرین دهریده یوز صورتی واردی

آلله بولور اونون  قلبیده نه نیتی واردی

بیرگون گوروسن جبهه ی شیطانه طرفدی

بیرگون گوروسن شاه شهیدانه طرفدی

بیرگون گوروسن طابع اولوب کفر و نقاقه

بیرگون گوروسن قرا  گئیب باشدان آیاغه

بیرگون گوروسن داش داشییر قبر شهیده

بیرگون گوروسن آجر آتیر کاخ یزیده

قیلمیر ایکی رکعت نمازین هفته به هفته

جمعه نمازیندا دایانیر اوله صفده

انسانداکی مین رنگ اولا انسان دماغ اولماز

مین رنگلی انسانا مسلمان دماغ اولماز

لعنت گله بیر شخصه کی بنیان وجودی

ظاهرده مسلمان اولا باطنده یهودی

ای که علی شیعه سی سن مین یولا گتمه

شخصیتیوین دامنینی لکه لی ائتمه

تزویر ائلمه خلق پراکندیه خاطیر

آللهه گورا سعی ائیله نه بنده یه خاطیر

احسان وریسن تا که آدین دیللره دوشسون

دارائی وین آوازه سی محفل لره دوشسون

اما بیر کس بیله همسایه نین آذوقه سی کمدی

والله اونون احسانیده اسلامه ستمدی

تشریح ائیله انگیزه ی احسان ندی سنده

بو بخشش و بو بذل فراوان ندی سنده

سعی ایلیسن مهر حسین دونمیه قهره؟

یا ثروتیوی گورسدیسن مردم شهره ؟

اما بونی بیل یار اولان اغیاری بگنمز

زهرا بالاسی  شخص ریا کاری بگنمز

یوز یول گده سن  گر پول ربادن

مین یول دولانیب یول سالاسان مروه صفادن

احرامی اگر قامتیوه باغلیاسان سن

یوز دفعه بقیع ده اوتوروب آغلیاسان سن

چون قلبیوه نور عملین تابشی یوخدی

والله او حجین بیر توک جان ارزشی یوخدی

فانوسه نه حاجت اوزمانکی گونوز اولسا

انسان ائوزی بیر کعبه دی اعمالی دوز اولسا

هرقلب کی پاک اولسا ائوزی قبله نمادی

بیر نیمه سی مروه اوبیری نیمه صفادی

هرقلبیده آئینه کیمی اولماسا لکه

گر  یاخجی گزیب آختاراسان اوردادی مکه