شعرترکی در وصف حضرت زینب(س)نوید آسال

زینبون آدی ملکلر دیلینون ازبریدی

 مریم و هاجر و حوا باشینون افسریدی

 آسمان شرف و معرفتون اختریدی

 چاره سیز دردلره آدی مداوا زینب

 قالسا مشکلده بشر فوری دییر یازینب

 زینبون منزلتین درک ائلمز عقل بشر

 نخل اسلام تاپوب نهضت زینبله ثمر

 خاک پایین ملک و حور ائلییر کحل بصر زینبون منزلتین حی توانا تانیور

 قول قابیرقاسی سینان حضرت زهرا تانیور

 زینبی ذات احد حیدره زیور یارادوب

 کربلاده سویولان لشگره رهبر یارادوب

 خیردا قیزلاری بو سرلشگره لشگر یارادوب

 نطقینی تیغ دو پهنا کیمی برا یارادوب

 غیرتین غیرت سقا کیمی دریا یارادوب

 مرحبا فاطمه نون خصم ییخان دخترینه

 تاب ائدوب هر نقدر قمچی دگوب پیکرینه

 قویمادی چپ باخا دشمن باشینون معجرینه

 بلی بو زینب کبری شرف اسطوره سیدور

 مریم اولسا شرفین آیه سی بو سوره سیدور

""نوید آسال اردبیلی""

کانال اردبیل مهد تشیع

@ardabil_darolershad