بو درد سنین ندن دویماق بیلمیسن؟

Dünya qadınlar günün bütün azadlıq yanqılarına vâ vatan yolunda çalışan qadınlara tâbrik deyiram. Bir dâyarli şer xanım sarafdan

یاتان قارداش اوجوز اولوب قیمتین

پارا اوچون ساتین آلدین ذیلتین

ألدن گئدیر منییتین میللتین

بو درد سنین ندن دویماق بیلمیسن؟

اسارتده گئچیر ایلین آیلارین

الدن گئدیر آللاه وئرن پایلارین

زهرلنیب چشمه لرین چایلارین

بو درد سنین ندن دویماق بیلمیسن؟

آزادلیغین یانگی سینان یانمیشیق

حریتی قارا پولا ساتمیشیق

قورخوموزدان میشیل میشیل یاتمیشیق

بو درد سنین ندن دویماق بیلمیسن؟

پاییز گلیر گئنه مکتب آچیلیر

اؤزگه ائلین دیلی زورلا آنیلیر

بیلمزلر هئچ بیلن یانیر قاوریلیر

بو درد سنین ندن دویماق بیلمیسن؟

سؤن گؤن ده کی میس داشینیر کیرمانا

اؤرمو یانیر سو چکیلیر سیمنان نا

اوخشادیلار یوردوموزو زیندانا

بو درد سنین ندن دویماق بیلمیسن؟

وطن اوغلو دیلین آغزین باغلانمیش

آنایوردوم یوخسولوقدان داغلانمیش

ظالیم بوینی حاق یئمکدن یاغلانمیش

بو درد سنین ندن دویماق بیلمیسن؟

آند یئریمدی وطنیمین داغلاری

جنتیم دی گل چیچکلی باغلاری

زمزم کیبی مقدس دی چایلاری

بو یورد سنین ندن دویماق بیلمیسن؟