بایرام و میانا(میانه و عید)طنز

‌ ‌Ω:
*یاواش یاواش بایرام گلیر، بایرامین اصلی فلسفه لرین بیری میانادا شهرت و شهرت بازلیق دیر.

بوتون عزیز یولداشلاریما سلام دئییب قاباقجا بایرامینیز موبارک اولسون عرض ائله ییرم.

میانادا بایرام مراسمی نین نئچه اصلی مرحله سی وار، اول مرحله پالتار آلیب و پالتار گئیمه ک دیر، بیزیم شهریمیزده بایرام قاباغی بوتون میللت بازارا تؤکولوب خرید ائله یرلر(بازار بتر شیرین اولار) امما خریدین ده چوخ فلسفه سی وار، میانالی لار بیر ساده کؤینک آلماغا یوز دفعه بازارا گئدیب گله رلر، یوز دفعه بیر توکانا گیریب چیخارلار، ایکی ساعات چنه ویریب آخیرده طرفی توکان صاحابی یوروب آلارلار.

آمما جریاندا اولدوغونوز کیمی سون ایللرده شهرت بازلار میانانین بازارین بینمییب دور و بر شهرلره بایرام خریدینه تشریف آپارارلار؛ با کلاسلار تبریزه، های کلاسلار تهرانا گئده رلر.( و صد البته بایرام گؤروشلرینده حتما بحثی او جهته آپاراجاقلار کی پالتارلارین هاردان آلماسینا اشاره ائدیب و شهرت ائله سینلر)

میانادا دا هر یئره تای بایرامین اصلی مرحله لریندن بیری ایل دئییشیلمه سینه گؤره ائو تؤکوب، ائو تمیزله مک دیر؛ شهرت بازلیق بو مرحله ده تکجه خانیملاردا خلاصه دیر، تئز ائو تؤکن لر شهرت بازلیقدا بیر قدم اوبیریسی خانیملاردان قاباقدیلار: ائله کی شاهیدیک آذرماه دان دا ائو تؤکن اولور، بو مسابقه ده تئز قورتاران عزیزلریمیز بایراماجان شهرت ائله یه جک.

و اما بو فرعی شهرت بازلیقلاردان سوووشا بیلسه ک بایرامین اصلی شهرت بازلیغی سفره هفت سین ده دیر، بیر به بیر میوه لر، شیرینی لر و بتون گؤزه گؤرسه ننلر اسباب شهرت بازلیق دیر؛ شهرت بازین سفره سینده حتما نئچه دنه قابدا پسته گؤره بیله رسیز، اعلی آجیل، نئچه جوره شیرینی و شکلاتلار تاپیلار..

وقت ائله ییب یاریم ساعات اوتورا بیلسه ز هامی سین شهرت ائله یه جک لر هاردان و نجور آلیب لار، شکلاتلارین خاریجی اولماسی یاددان چیخمایان بیر نکته دیر.

یاددان چیخان شهرت بازلیقلار که آماری همه گیر دییر از جمله قاپی باجانی رهلمه ک،مبللاری دییشمه نی ده اوسته کی مواریده اضافه ائدین.

خلاصه باشینیزی چوخ آغرییا گتیرمیییم، بیلدیینیز کیمین بیز بیر شهرت باز میللتیک کی آدیمیزی قویوبلار میانالی لار.

بو قدر شهرتبازلیغا بایراملیق وئرمه یه چاتاندا هامی متواضع اولوب اللری جیبلرینه چتین گئچه ر و 5 میندن چوخ ائشیگه چیخماز...

«ساغ قالین، شاد یاشایین، شهرت ائله یین»

—---------------------------—

*همانطور که در جریان هستید نوشته کمی اغراق آمیز است و البته شامل همه ی همشهریان محترم نمی شود.

*لطفا جنبه ی شوخی داشته باشید.