عاشقانه سوزلری.....

یاسلی بولبول تک دولاندیم داغ داشی قان آغلادیم

هرگوله باخدیم گولــــوم اولدوم پریشـــــــان آغلادیم

اولمـــادی مرحــــــم طبیبلر نسخه سی قالدیم بئله

ایندی بیلدیم سئوگیمی هم عمـــریمی وئردیم یئله!

.............

یارب نظر ائت سوگیلی دلــــــبر گئنه گلسین

عشقیم هوسیم مـــــــــاه منور گئنه گلسین

گلسین منه بیر بوسه وئریب عاقلیم آپارسین

بیر بوسه ایچون لبلری احمــــــر گئنه گلسین!

 ..........

چوخداندی کونول سن کیمی بیر ساز چالان ایستیر
قوربانین اولوم چال ، اوره گیم جان آلان ایستیر
بیر دونیا سوزوم قالدی سینه مده توزا باتدی
چال، کوکلو سازیم جانه گلیب دیر ، چالان ایستیر

..........

عاشق اولدوم کی یاریم دردیمه درمان ائلیه

یوخ که هر درده سالا.دیده نی گریان ائلیه

عاشق اولدوم کی تاپام بلکه غریبلیک داواسین

نه بیلئیدیم اوزو درد دی.کی پریشان ائلیه

گوزلریم گونده قان آغلار نه یازمیش بومنه

کی منی یار گوزونه خار مغیلان ائلیه

.........

یوخی گلمور ، گوزومه اوقدر آغلامیشام

ساقیا دولدور ایچیم ،گول هوسی ایله میشم

سونا چاتسین بو بهار من کی گولون گورممیشم!

ساقیا دولدور ایچیم یار هوسی ایله میشم

یارمنی یاد ایله میر،اونا من نیله میشم؟؟؟