عاشقانه سوزلری 4

سن زولفونی آچ، توک اوزونه ، شانه سی مندن

زنجیری نشان وئر منه ، دیـــــوانه سی مندن

سن عاشقی یاندیرماقا ، من یانماقـــا مایــیل...

سن شمعینی گوستر، منه ، پروانه سی مندن

زولفون قدری ، عاشق اولان وار. سنه ای گل

سن سویله، اومجنونلاری ، افسانه سی مندن

سرمست گوزون، فتنه لبین ، نشئه لی باده

ایچدیرمنه ، اول بادنی – پیـــمانه سی مندن

سن ناز ایله گل کی ، صدفین، قیمتی آرتسین

کوزیاشی کیمی ،اینجیسی. دردانه سی،مندن

هردم گوتور،اوزدن. گوزه لیم، افعی لی زولفین

چک ظاهره، گنجینه نی – ویـــرانه سی مندن

...........

ساقیا دولدور ایچیم گورتار منی بو داریدن

یوخدی بیر شیرین خبر او بی وفا سرداریدن

عیبی یوخدور گرمنه دشمن ویریر دیل یارسی

نیلیم دنیانی گر السام یارا او یاریدن ؟

تا بهاران واردی من گلشن صفاسین گورمدیم

استمیر گونلوم فصفای گلشنی بیر خاریدن

بیر نچه مدتی غملر گونلومه معوا سالیب

بولمورم چکمیر نیه غم ال دله بیماریدن

بیر گوزل  گوز غنچه لب سالدی منه بو محنته

دنیا ویران اولسادا ال چکمرم من یاریدن

ای فلک اتین منی او غنچه لب دن سن کنار

باری بیر مونس گتیر اگاه اولا اسراریدن

منده مجنون تک سنی یاده سالیب هی اغلارام

غائب اولماز نازنین خوش خاطرین پنداریدن

شرح حالیم دیر گدیر بو مشق بیفرجامیده

هم فلک دن  هم عشق دن واردی شکایت تاریدن

.......

من دئدیم عاشیقم آی قیز ، سن دئدین بوشلا آماندی

من دئدیم سن ده گؤزوم وار ، سن دئدین سئوگی یالاندی

من دئدیم شمعه تای اُول سن ، من ده پروانه تک اُوللام

سن دئدین بیر دایان اوغلان ، بول بو یول درده سالاندی

من دئدیم هئچ بولوسن کی نیه بو کونلوم اُولوب بیر کاسا قان

سن دئدین بَللیدی گؤز اُوخ دی قاشیمدا کی کاماندی

من دئدیم سئوگی منی بیر قوجا اوغلان الییب

سن دئدین آی قوجا مجنون یئری گئت ن..... جاواندی