متن شبیه خوانی حضرت عباس(ع)

ای هاشمی جوانلاری میداندور قورخمیون

برق بلا بوچولده نمایاندیور قورخمیون

آماده قتال صف اشقیا اولون

شاه مدینه دن بیله فرماندی قورخمیون

کیمدور حسین فاطمه نون باغلاسون یولین

عباس الینده تیغ درخشاندی قورخمیون

عالم اگر قوشون اولا یالقوز برابرم

شیرخدا بابام شه مرداندی قورخمیون

البته قانین آلماغا بیچاره مسلومون

آل عقیله یاخشی جه دوراندی قور خمیون

اَل تیغ آبداره ورون یا علی دیون

کرب و بلا دگول عربستاندی قورخمیون

اوزوه دشمن

بیهوده نوا ایتمه مثل دیگران ای حر

بو سوزلریلن قورخماز عباس جوان ای حر

آتما او شمشیره

بس هاردا قالوب عباس سیزلر چکورسوز خنجر

ال قبضه شمشیره آت بو زمان ای حر

باوفا قارداش

سسون فداسی اولوم سبط مصطفی قارداش

یگانه گوهر سلطان قل کفی قارداش

بویور ندور منه نسبت بودمده فرمانون

فنا جهاندا ویرن عمریمه صفا قارداش

چخور یرده

بویور گلن ای پادشاه قارداشیم

مدینه دن چخالی هر مکان و منزلده

اولوردی زینب ایچون سراپرده باصفا یرده

ندور بو ایشده مگر حکمت ای امام زمان

ایدیم خانم باجیم ایچون چوخور یری مسکن

اولما نهان عباس

نه نوا دور کی سالوب جانیمه افغان بو گئجه

بو نوا ائتدی منی زار و مکدر بو گئجه

یاخشی راحت اوتوروبسان بو زمان عباس

بئلوه ایندی باغلا قلنج زاده حیدر بو گئجه

سال بوینوا خلعت کی بو گئجه

خلعت عظما لا حول ولا قوهً الا و بالله

ای منیم ایلین آواز علمدار حسین

وحی قویان آدیمی هر وقت مددکار حسین

گل گوروم ایندی حضوره کیمیسن ای صاحب سس

منم عباس علمدار وفادار حسین

دردرو دوا عباس

گل ای شریر ستم پرور جفا گستر

گوروم دوتیدور سنی قهر کربلا ای شمر

ندور خیالون ایا امل فساد بد اختر

نه شور و فتنه دور نه دور صدا ای شمر

باشینه قرا عباس

ده گوروم نه دور منظورین ای جفا کانی

ولیکه سیل گوزووی یاخشی باخ منی تانی

بو شرطیله هرزه دانیشما چوخ ائتمه طغیانی

هراس قیل دلوه گلمسون خطا ای شمر

اینان رها عباس

ای شمر بی حیا منیم جایزه ومنسبه یوخومدی نیاز

نه من حسینیمنن نه حسین مندن آیریلماز

گلوب سن عربلر ایچینده منی خوار ائدسن

حضوره حضرت زهراده شرمسار ائدسن

اگر اجازم اولیدی او شاه دوراندان

سنه جواب وئرردیم بو تیغ براندان

امانداسان عباس

ابلیسه گلن لعنت عبیدالله آزدور

زهرا بالاس قالدور امانینن منه یازدور

تیز گئت دالی باخسون اولورسان قانوه غلطان

نیلیم کی یوخومدور شاهیمدن فرمان

دوزدور سوزوم

آغزون اودیلان دولسون ایا کافر شداد

آخر بو نه سوزدور دانیشورسان ای ایوی برباد

دنیادن ئوتور قارداشیما ایتمیوم امداد

جان بسلمیشم فاطمه نان و نمکیندن

حاشا چکم ال ایندی حسینون اتکیندن

دخیلم عباس

هر مکریله وورسوز اگر نیزیه قرآن

هاشا تاپا ایمانیمه ال سن کیمی شیطان

من عبدم علی اوغلونا سن ابن زیاده

سن مست ری و من روش صدق و وفاده

هیچ بیلورسن حسین کیمدور

اوتوز بش ایلدی عباسم آجقلی باخمیوب بیر یول

بئله مولایه جان قوربان بو نوعی هیچ وقار اولماز

حسینه گوزلریم قربان حسینی تک قویوب گئدسم

بئله بیر ننگ وعار اولماز

قبول ائتمرم بیعت کافری ذلیل ائتمرم دین پیغمبری

قارداشون قربان

آگهسن اوزون صحبت عهد ازلیمدن

اسرار دلیمدن هدفیمدن عملیمدن

هیچ من دئمورم پرچموی آلما الیمنن

آلسوندا گئنه نوکروم شائنیم آزالماز

اما کرم اهلی بیلورم ویردیگین آلماز

گل برابره

سن بیل کرمون سالما منی بو دشت فراته

من سالک عشقم دوزَرَم هر زحماته

سر دوشیمی آچ پرچمی آل قوش نفراته

سر لشگرم آل رُتبه می سرباز ائله قارداش

قووما قاپوندان ساخلا سرافراز ایله قارداش

سیزه گلم

حسین سن بیل کرمون سالما منی چوللره قارداش

یوخسا اوز دوتارام نجف سمتینه قارداش

دوشوبدی مشکله ایش بابا گل

قالمیشام آواره باباگل

حسینون ایندی منه دیور ترک قیل خیامی

سن اوزون یتیش فریادیمه بابا گل

اوگونکی سن گئدیردون حسینون الین وئردون الیمه

دِدون ابالفضل عهد ایله وفاریشه سینی قیرما بالا

بو حسینیدن هامی آیرلسا سن آیرلما بالا

بابا گل هرایه بابا گل هرایه

قویمایون گوزدن

گل بیر آغلاشاق قارداش پیمان باغلاشاق قارداش

قولاروی سال بوینوما بیر دویونجا آغلاشاق قارداش

لبیک ای حجت خدا لبیک

که ای هدایته منهاج اولان سلام علیک

وصی صاحبی معرااج اولان سلام علیک

وجودی اجودی ظلمت سرای عالمده

سراج انور وهاج اولان سلام علیک

گئدوب جلالی الیندن قالوب زمانه ده خوار

بلا خدنگه آماج اولان سلام علیک

آتاسی ساقی کوثر برادری سقا

فرات سویونا محتاج اولان سلام علیک

علیک سلام

قوشون قیریلدی اساسون پوزولدی یا مولا

الون صحابه لروندن اوزولدی یا مولا

باشون ساق اولسون اگر یارو یاورن ئولدی

بو غملی چولده سوسوز بش برادرون ئولدی

خزانه دوندی ستمله جلالیون باغی

چکلدی سینوه عونیله جعفرون داغی

سنی الله

آدیم وفالی وفانون بودور کی قائده سی

منم تک آخر قالماقلقون نه فایده سی

مرخص ایت منی سینم داخی گلوب تنگه

بو تیغ ساعقه کرداریلن گیدوم جنگه

فراتی خیمه لره سیل تک قیلوم جاری

دیسونله وار بو شهون چوخ رشید علمداری

شجاعت اسدالهی آشکار ایلیوم

صفوف لشگر کفاری تار و مار ایلیوم

ئولم بو شرطیلن نعشینده پایمال اولسون

آنام دیه ایشیدنده صودوم حلال اولسون

رضا دگیلم

سن ایسترسن آچام باشون اوسته چتر علم

من ایستیرم ایده لر هرایکی قولوی قلم

وفا و غیرتیلن آچمیشام زمانه ده آد

بنای غیرتیمی ائتمه یاحسین برباد

چه فایده علم اولدی الیمده شقه گشا

غیور آدیم نجه همت اولسون ای مولا

مرخص ایله گئدیم قولاریم قلم اولسون

که تا قیامته دین غیرتیم علم اولسون

طاقتیم قارداش

فدا اولوم سنه ای پادشاه ملک جلال

یانوندا ساخلا ما بسدور داخی منی یولا سال

قربان عمو

ای بلبل شیرین زبان ماه مدینم آغلاما

عباس عمون سنه قربان نازلی سکینم آغلاما

قربان عمو

ای کاش ئولیدی ای خدا بو قولاریم تندن جدا

آغلاما من سنه فدا نازلی سکینم آغلاما

قربان عمو

ای دختر مستحسنه بو قدری یالوارما منه

ایندی گئتورم سو سنه نازلی سکینم آغلاما

لب عطشانی

چوخ آغلاما اوزوم من بوگون فراته گئدیرم

علم دوتان الیمی من حسینه قربان ائدرم

نگاهدار اولسون

که ای شه لب تشنگان خداحافظ

منه اولان آتادان مهربان خداحاظ

داخی جمالون گورمک قیامته قالدی

حلال قیل گئدورم باغری قان خداحافظ

خداحافظ ای خواهران حسین

خداحافظ ای دختران حسین

سالان باشینه نوجوان قاره سین

خداحافظ اهل بیت حسین

ایا تیغ شرربار بو میداندا سنه بیر نچه سوزوم وار

غیلافون قان ایچر ای تیغ بران

گوزتله گوزلریمه دولماسون قان

تمام سر کرده لر دورموش کمینده

قلنج ساخلا منی خنجر دمینده

رجز عباس

ایها القوم ظلم عالمه سردار منم

نایب منقبت حیدر کرار منم

هل اتی مخزنینون دُرِگرانمایه سیم

لا فتی در جینه بیر لو لو شهوارمنم

شهد اللهده تشدید مشدد اثری

جاهَدو کلمه سینه آیه تکرار منم

و اَنا بنِ اسدالله امام الثقلین

زاده صف شکن سرور ابرار منم

لقبم ماه بنی هاشم اوزوم زهر جبین

شمس اقلیم و وفا مطلع انوار منم

کاندن قافه کیمین شوکتیمون شهرتی وار

عالم شوکت آرا میرجهاندار منم

دوتموش آفاقی گوز آچون یاخشی باخون

تانیون حضرت عباس علمدار منم

دماغ اوسته

بابا یا صاحب ذوالفقار وقت مدد است

قتل عام ایدوم

دیلون باغلا آچ الرون وورما لاف

بو گون ایش گورر تیغ خارا شکاف

قُیوب نیزه نی وورما نوک لیسان

لسان نوکی وورما قدی کار زنان

ائدر تیغلن پهلوانلار جدال

مناسب دور عورتلره قیل وقال

قیلار فتح دعوالره شمشیر تیز

اناث اهلی ایلر زبانی ستیز

مین عباس

لاف وگزافون قوتار ای شوم دغل

مرد سن لال اول یوم آغزون آچگیلان دست جدل

سن ایاقیمنده اوپسون چکمرم من سنن ال

چون منیم شمشیر و نیزم کافر اوستونن گلور

اوستن گلور

من ولی مرد اوغلیام مردم سوزوم مردانه دور

قولاریمون تکیه گاهی قدرته ایمانه دور

بیعتیم یالقوز حسینه خدمتیم قرآنه دور

چوخ رجز خوان پهلوانلار گورموشم افسانه دور

جزئی بیر ضربتله مغزی مغفر اوستونن گلور

عباس

بابا یا صاحب ذوالفقار وقته مدد است

رکابونن اوپوم

ایستسون اولدورمیم سنی من ای دنی

دوش قباقیمجه پیاده باشلا راه خیمه نی

اوپ حسینون مقدمونن قوی قبول ایتسون سنی

توبه حری قبول ائتدی سنی رد ایلمز

رجز عباس

ای سپه کوفه تانور سوز منی

قارداشیمون یارو مددکاریم

گرچه بو آز لشکره فرماندهم

پرچمه اسلامون علمداریم

فکریم اودور صفلروزی سندرام

نهر فرات اوستونه پرچم ورام

چاره سی یوخ مشکی گرک دولدورام

تشنه لرون چون که دل افکاریم

دماغ اوسته

آی بو دنیا دورانون ابوسفیانلاری

آی بو عصرین حیله گر شیطانلاری

کوفه نون دل قانمیان انسانلاری

آی بیابانون دو پا حیوانلاری

نهروانون پست و بی ایمانلاری

کربلانون تشنه دور مهمانلاری

ملک سوزده بذر واهی اکمرم

من فراتی آلماسام ال چکمرم

لشکر ، من سلطان دینون اوغلیام

خواجه روح الامینین اوغلیام

صاحب عرش وزمینین اوغلیام

مالک خُلد و برینون اوغلیام

لشکر ، من امیر المومنینون اوغلیام

وقت مدد است

بابا یا صاحب ذوالفقار وقت مدد است

نجه ایچوم بو سویی گویلومون بلاسی گلور

نجه ایچوم بوسویی ایچمدی جوان علی اکبر

نجه ایچوم بوسویی ایچمیوب علی اصغر

نجه ایچوم بوسویی تشنه لر نواسی گلور

صحابه قیزلارونون العطش صداسی گلور

گرک سو آپارام بلبل مدینیه من

گلنده وعده سو ویرمشم سکینیه من

نشانه خدنگ

گلمیشم سو آپارام گلمَمیشم ایچم دویام

یولومی گوزلور بالالار گرک گئدم منده بیر آن

ایا گروه شقاوت قولاق وئرون سوزومه

ویرمیون مشکیمه اوخ وورون منیم گوزومه

نقدی جان بوسویون بیر قلیل قیمتی وار

علی اصغریله رقینون گوزی وار

بابا یاحیدر کرار وقت مدد است

ای پرچم سن دینوموزون پرچمی سن یاتماقا اسمه

شاهیم گلینجک ساخلارام سینم اوسته

ای شاه کربلا هرایه گل

سس وئر منه قارداشیم

دوندی قانه گوز یاشیم

تاخیر ایلسون مولا

تنن کسیلرباشیم

عباسیم

نهرین یولون آختار تاپ

صاق و صولی آختار تاپ

نیزاریده عباسون

بیر جوت قولون آختار تاپ

آی قارداش

بیر منظره گوردوم من اوزوم خیمه ده قارداش

یاندیم نجه کی اود یانار مجمر الینده

حسین اولسمده بو نسگیل چخا هیهات اورگیمدن

قالمیشدی ربابون یاخاسی اصغر الینده