دورون چیراق لاریمیزی یاندیراق

هامی یاتیب

بیر ساغا باخیرام

بیر سولا باخیرام

هامی یاتیب

گئجه دیر، هیچ یاندان سس چیخمیر، گئجه گوشی دا یاتیب

ائله بیل بیرین گؤرؤره م گؤزلری آچیق دی ، آما ترپه شمیر

بیری گؤزلرین یوموپ آما اویاق دیر

هیچ یاندان سس چیخمیر گؤن باتیب ، آی گیزله نیب،

اولدوزدا گؤرسنمیر داغلار دومان آلتیندا قالیب هامی یاتیب.

یاواش دئییرم : هیچ کس اویاق دییر؟

بیری تئز الین توتور آغزیمین قاباقینا

ـ نه خبرین دی گئجه گؤزی سس سالیسان؟ قوی یاتاق!

نئچه ساهات اویاق اوتورورام

هاچان صبح اولاجاق؟

بیر آه چکیرم، یوخو گؤزلریمه گلمیر ، گؤزلریم یومولمور...

دانیشا بیلمیرم، دورا بیلمیرم، دولانا بیلمیرم، ائله بیل اؤز ائویمده زینداندایام

به هاچان صوبح اولاجاق؟

اولمیا گؤن ده بیزه تای یاتا دورابیلمیه؟

اؤره گیم سیخیلیر، گؤزلریمی یومورام شاید آچام گؤره م گؤن چیخیب...

هر دفعه کی گؤزلریمی آچیرام منی آرتیق غم باسیر، هاوا ایشیقلانماخدان بیر آزدا قارالیر..

. دورون چیراقلاریمیزی یاندیراق، گؤنش بیزیم چیراقیمیزدا...

دورون چیراق لاریمیزی یاندیراق