şeir: Biz dünənin çocuqlarıyıq
biz unudulduq sizin şəhərlərinizdə
dəyişdiyiniz kəndlərimizin adları kimi
biz unudulduq heç bilmədən
babalarımızın şəhərlərinizdə məzarları kimi
... dönmək bir səhərdir, gecələr sonunda
ulduzlar yanından günəşi oğurlamaqdır
armitaları unutmamaqdır suların göyə sürgün düşdüyündə
....
tanır nəfəsdir, sudur, havadır, günəşdir, bulutdur
illərdir tanrını oğurlayıblar buralardan
sən günəşsiz yerlərə baxan günə baxansan
tanrısız günəbaxan
darıxma biz günəşi bir daha döndərəcəyik göyümüzə
biz dünənin çocuqlarıyıq...
məhəmməd gərgərli