رحمتین هماسی

رحمتین هماسی

علی  رحمتین  هماسی ،  نه  نشانه سن خدا دن                                                                  
                                                                      کی  به  حق  گتروبسن ،  هما  نورینی  صفا دن
اورک  ار  تانری  تانیرسـان، نشانین  علی دن آخدار                                                                  
                                                                   تانریا  کی  گورموشم  من ،  تانرینی  او مرتضی دن
ایکی   عالمین   فنـاسین ،  اثرین  ســیلر  بوتومجه                                                                  
                                                                   کمگین  بقـــا  دوتارســا ،  شـه  ملک  هل اتی  دن
دیمیرم  یـاغـا بولود تک، علی لطفی ، یوخسا دوزخ                                                                  
                                                                   یاندیرار   قَهَر   اوتی   لان  ،   بیزلــری   ادر   فنا  دن
قاپی چــالما یولچی گل گد، علی قاپسینا کی اوردا                                                                  
                                                                   وریری  شـــاهین  نگینین ،  علی  یولچیا  سخا  دن
علی دن  ســوا  دییر کیم، کی اوغول منیم  وورانیم                                                                  
                                                                   اسیرون ســه  پس  گرک دور، اده سن  اونا صفـا دن
علی دن  ســوا مگر  کیم، گتیریبدی بیر کس اوغلان                                                                  
                                                                   کی   نشــان  وره   جهــانه ،   شــهدانی   کــربلادن
کیمی من دییم کی  باغـلار، یاریلان محبت عـــهدی                                                                  
                                                                   جوابین  دییر  اورک  دن ،  عــلی  تک  اونــا  وفـا  دن
نه  اولار  تانری  دماق  او ،  نه  اولار  بشــر  دماق او                                                                  
                                                                   نه  دییم  نه  ســویلییم  من ،  او  بزرگ  لا فتی  دن
ایکی  قانلی  گوزلریم  وار ، بیله ســن نسیم رحمت                                                                  
                                                                   علی  شهرینین  غباری ،  منه  یاخشــی دیر دوا دن
امیدیم   واردی   ایــاقون  ،   توزینا   یتیدی   نـــاله‌م                                                                  
                                                                   بو  سبب دی یوللامیشدیم، ســنه سوزلری صبا دن
سنی  او  یازیق  دعاسی ،  سنی او یازیق نواسی                                                                  
                                                                   قضا  چون  سنین  الینده ، بیزی سال اوزاق قضا دن
نی تکین نه سویلییم من،علی شوقینین سوزوندن                                                                  
                                                                   کی  گوزل  دییبدی  حافظ،  گتیریب سوزی سما دن
امیدیم  هر  گیجه دور  کی ، سحرون گوزل نسیمی                                                                  
                                                                   دیه    آشـنایه    سـوزلر   ،   او    پیـام    آشنا   دن
ایشیدیب ددیم  سوزوم  ده ،  نه  دییر او مرغ یا حق                                                                  
                                                                   سمکم  او   شهریاره  ،  رحمت   ایسترم   خدا  دن