قوخویور شهریم

قورخوداندی آسیلی بوردا باخیش یوللارینا

گل بو شهرین بویو خلوت یولونو آستا گئده ک

آدیم آدیم قیسالیر گوزلریمیزدن ایشیقی

یئری قوی بلکه دالینجا یول آلیب راستا گئده ک

 گئجه یه باغلیدی بوردا سحرین سون اته گی

                                 هانی قیزلار لئچه گی

                                   هانی اینسان اوره گی

               قاباران اللری سالمیر گونونه بیر چوره گی

گل بو شهرین بویو خلوت یولونو آستا گئده ک

یئری قوی بلکه دالینجا یول آلیب راستا گئده ک

بوردا بیرده دوغولان لحظه لرین کوت گئدیشی

آجیلیغ خاطیرلرده یوبادیب عمروموزو

                           چن آلان کونلوموزو

من زامانلار کویویم

               دولاشیب چرخ آراسیندا یوبادان ثانیه لر

               آیاق آلتیندا ایره لمیش ماسا چالخان یولونو

گل بو شهرین بویو خلوت یولونو آستا گئده ک

یئری قوی بلکه دالینجا یول آلیب راستا گئده ک

                             من بو شهرین بویو ظلمتده ایتن یوللارینی

                             کورپه اللرده کی سیگار اودونا ایزله ییره م

                                                         من کیمی گوزله ییره م ؟!!!

                            چوکولن دیزلره آلچاق دووارین کولگه سینی

                                                        من گونش گوزله ییره م

                                                            من ، سنی گوزله ییره م