قوشما بیر شعئر ( اوزومنن )

ساحیلیمدن دنیز دنیز کوسولو

آدیملایم هانسی یولو قارشینا

دیزله دییم سطیر سطیر لحظه لر

قویوب منی آخیرده ، اوز باشینا

بورویوبدور کوچمز گئجه گونومی

اوزاقلادیر سنه چاتان دونومی

وئرین منه غفیل گلن اولومی

دولار حایات منسیزده اوز یاشینا

قویون قالیم بیر آزدا اوز باشینا

بیر دولاخلیق گوروش منیم دیله ییم

ساحیلینه آداخلانیب اوره ییم

سنسیز دایاق اولسون هارا کوره ییم

بیر وارلیقین هایی دوشوب باشیما

قویون قالیم بیر آزدا اوز باشینا

عومور عومور بخته الیم یان گئدیب

دامار دامار حایاتیمدان قان گئدیب

سنلشمغه ایمان گئدیب جان گئدیب

باشیم ده یه بلکه سنین داشینا

قویما قالام بیر آزدا اوز باشینا

تقدیم به محضر مبارک حضرت ولی عصر (عج )