شعر

گؤزه ل"

گوندوزوم دونوبدی گئجه یه منیم

کدرلی یَم یوخ دردیمی بیله نیم

سیزیلداییر سحر-آخشام بدنیم

سن منی غم لره سالاندان گؤزه ل

ازلدن باغلیدی اوره ییم سنه

سنسیز زندان اولوب بو دونیا منه

بیلمیرَم نه اوچون یاشیرام یئنه

آرزیمین گول لری سولاندان گؤزه ل

هیجرین نئشترایله قلبیم سوکولوب

جاوانلیق چاغیمدا بئلیم بوکولوب

باش آغاریب قاش کیبریگیم توکولوب

من سنین فیکرینه قالاندان گؤزه ل

دونیادان نه سئچیم سنه وئرمه لی

جانیمی ایسته سن دییه رم بلی

سالمیسان چؤل لره اولموشام دلی

اؤزومو اؤزومدن آلاندان گؤزه ل

نه قلبیم آچیلیب نه اوزوم گولوب

فلک قیسمتیمی ترسینه بولوب

قَوی دئییم نه واختدان "خانلارین" اؤلوب

آیریلیق سازینی چالاندان گؤزه ل 

 میر بهرام رستمی(خانلار)