یارکوچه سی

بیر دیل قانماز اوره ییم وار

گَتیریب دی زارا منی

دئییر گَرگ یئتیره سن

او جفالی یارا منی

گؤرورسن کی گئجه یاری

باشلانیب دی ادالاری

نه دیل قانیر نه ده تاری

ایستیر قویا بارا منی

دئییرَم کی باشی داشلی

نه اولوبسان گؤزی یاشلی

بیرینی سئو قلم قاشلی

چکمه هی – هی اورا منی

دئییر اورا چکمه سؤزی

گَرگ اولا یارین اؤزی

ایندی ده لاپ سؤزون دوزی

گئنه قُویوب زورا منی

یار کوچه سی صفالی دی

حییف یاریم جفالی دی

چون اوره ییم یارالی دی

فلک سالیب تورا منی

شاعیر: رحمتلیک عبدالعلی آیریملو (وفا) خوی شاعیرلریندن