بایاتی (دوبیتی های ترکی )

آغ آلمـا قـیـزیـل آلــمـا نیمچه یَه دوزول آلما

چیرکین آل،اصیل اُلسون بد اصیل گوزَه ل آلما

آغ دَسمالین مندَه دیـر سَرمیشم چمنده دیـر

عالم گوزه ل نن دولسا مَنیم گوزیم سنده دیر

عزیزیم گول آلاندا ساچا سونبول آلاندا

یاریم یادیمـا دوشَر الیـمَه گــول آلانـدا

داغـلارا اَکـدیـم لالا الـه آلـدیـم پیــیـالا

هئچ گورونوب دونیادا ظلم ائوی آباد قالا؟

آغـلارام آغلار کیـمی دردیم وار داغلار کیمی

خزه ل اولوب توکولدوم ویـرانـا بـاغـلار کیـمی

یار منه باخدی گئتدی قلبیمی، یاخدی گئتدی

آغلاماقدان گؤز یاشیم سئل کیمی آخدی گئتدی

اوجاغی یاخشی قالا اودون قوی یاخشی قالا

نَه اولار بو دونیادا پیس ئوله، یاخشی قالا

الـیـنـده گـؤزه ل آلـمـا توتوبدور گؤزه ل آلما

ائل چیرکینین آل، عاشیق حـیـاسـیـز گـؤزه ل آلـمـا

عاشیق ناچار آغلاما پیس گون کئچر آغلاما

فـلک باغـلی قاپـینـی بـیرگون آچـار آغلاما

دورمـا قاپی دالیـنـدا گؤزوم قالدی خالیندا

گـئـدیـم آناما دئـیـیم گـلیـم قـالـیم یـانیـندا

لای لای دئدیم گونده من کؤلگه ده سن، گونده من

ایلده قوربان بیر اولسا سـنه قـوربان گونده من

لای لای دئدیم اوجادان چئخسین سسیم باجادان

آلله سـنی ساخلاسـین بوغـمادان، قیزیلجادان

آل کمری بئل باغلا ساچلارینی تئل باغلا

نَه یادا سیرّینی وئر نَه نامرده بئل باغلا

یامان گون کئچر گئدر عؤمرومو بیچر گئدر

دونـیادا غـم شـربـتـین هـرگـلـن ایـچـر گـئـدر

من عاشـیق دالداسـینا مرد ایگید دالداسینا

نامرد آصلان اولسادا سئـخیلما دالـداسینا

عزیزیم وطن یاخـشی کؤینگی کتان یاخشی

غربت یئر جنّت اولسا یئنه ده وطن یاخشی

عاشیقم، وطن آغلار منه هر یئتن آغلار

غریبلیکده ئوله نـین حالینـا کفن آغلار

من عاشیق، قازان آغلار اود یانار، قازان آغلار

غربت یئرده ئوله نین قبرینی قازان آغلار

امام زاده باغلاری،یاشیلدی یاپراغلاری،نذریم قبول اولسون،یاندریم چراغلاری

گویده اوچان قوش اولسون/ایچدیگین سونوش اولسون/لیلی ئه خبرورین/مجنون گلیرخوش اولسون

بوردان بیرآتلی گچدی/آتین اوینادی گچدی/آی کیمی شفق ساچدی/گون کیمی باتدی گیچدی

لای لای دییم یاتاسان/قزل گوله باتاسان/قزل گولون ایچینده/شیرین یوخوتاباسان

هامی یاتیب سنده یات/دینجل قوزوم تزبوی آت/صبحون خیره آچیلسن/سنه گولسون بوحیات

لای لای دئدیم آدینا/حق یتیشسین دادینا/بویاباشاچاتاندا/منی ده سال یادینا.

آی ایلرایلر/باغچاداگولر/اوشیرین دیلر/بئله دیللر/یئل یئل