عید غدیر خم

عشق یقین حیدری ، ظن و گمانه وئرمه رم   

شیعه حیدرین توکون کلَّ جهانه وئرمه رم

 -----------------------------------------

هئچ نه ایم اولمور اولماسین حبّ علی دی بس منه

 بیر اولو جسمیدور بو تن وئرمیش علی نفس منه

هر نه دیور قویون دئسین ناکس و هر نه کس منه

 من بو علینین عشقینی باغ جنانه وئرمه رم

   -----------------------------------------

 عارفه عشق مرتضی روحونون هر زادیندادی

خالقین آدلیم آدلاری جمله علی آدیندادی

شهد لب نگاریمیز دادسان علی دادیندادی

      ساده دیوم علی نی من قیمت جانه وئرمه رم

 -----------------------------------------

یئر اوزونون نه عشقی وار قلبیدن ایستیرم سیلیم

 دوزدو دینیم ، دیلیم ، وطن ، ایستییرم نه دیر بیلیم

 اما علی دی باطنا هم وطن هم دینیم دیلیم

عشق علی نی پیکریم باتسادا قانه وئرمه رم

 -----------------------------------------

سسله مه سم علی نی گر کاش کسیله سسیم منیم

قبریده بیر گؤز آلتیجا باخسا اگر بسیم منیم

اوز وئره یا کی وئرمیه بیلسین اودور کسیم منیم

 عشقینی حور و زمزم و باغ و جنانه وئرمه رم

 -----------------------------------------

هاردا ، هاچان آدین دئیم دادلی اولور سؤزوم منیم

بیر اونی گؤرمک عشقینه نوری گؤرور گؤزوم منیم

ای سوزومون گوزللیگی ای گؤزوم ای اؤزوم منیم

 من قاپیوین گدالیقین شاهیله خانه وئرمه رم

 -----------------------------------------

یوخ او اوزوم کی سویلییم شیعه ناب حیدرم

 نوکرینه اگر آقام وئرسه اجازه نوکرم

 هئچ زادی دا اولانماسام ساده غلام قنبرم

 بیله دیرلی منصبی کون و مکانه وئرمه رم

  -----------------------------------------

 احمد مصطفی اگر بارماقیلان بولوب آیی

نائبی مرتضی گرک اولسون اونون یقین تایی

شق ائلیوبدی کعبه نی تا گویه قوزاسین هایی

 تاج ولا اونونکی دی ، نام و نشانه وئرمه رم 

  -----------------------------------------

 ذره به ذره ما سوا   ذکر علی علی دیور

حاجی و مروه و صفا  ذکر علی علی دیور

خسته و دکتر و دوا      ذکر علی علی دیور

مولوی و نی و نوا     ذکر علی علی دیور

عارف و شاه و هم گدا  ذکر علی علی دیور

 تک نه کی دوست و آشنا      ذکر علی علی دیور

ضدّی ده ایندی از قضا      ذکر علی علی دیور

 موسی و عیسی هم صدا     ذکر علی علی دیور

 نوح و خلیل و مصطفی      ذکر علی علی دیور

قورخما (ایاز) دئنن : خدا   ذکر علی علی دیور

 

 منده بو ذکر اعظمی درِّ گرانه وئرمه رم

 شعر از : محمدرضا مرغدار سردرود