مبعث گونونه گوره

ياراديب دير بنده ني سئوير كرامتي ني

بيلله ديب دير شيطاني دئيب دير آزقينلاري

نبي سي نين گليشين قاباق جادان دئييري

دوغوموني سويلارا آيدينجا بيلديريري

گنج ليكين چاغيندا امين ليگي اولوري

خديجه وارليقيندا اوني دوزگون تاپيري

آليش وئريش ايشينه اوني باشچي ائديري

صداقتي نن گئديب چوخلي فايدا وئريري

داها كونول باغلانيب خديجه باغلانيري

محمدين حياتي اوننان دا باشلانيري

چاغ يئتيشير مبعثه گوروش لري باشلانا

بو تانري نين يولوندا گئديش لري خوشلانا

تانري لارين يئرلرين بير تانري سي آلديرا

عدالتين وارليقين محمدي نن سالا

ائلچي ليكي تيكيلير محمدين بويونا

يوللانيري ايلكيدن بو داها اوز سويونا

گئديري بو قانديرا او قانمئيان سويلاري

كرامتي سالديرا بيلديره وارليق لاري

شيطانلارين يولوني بيللنديره اونلارا

سلطه لرين واريني ديللنديره اونلارا

سويلارا فطري پايين وارين تانري وئريب دير

اوزلوكي ساخلاماقي اونلارا بيلديريب دير

ايندي داها قيز لاري آنا لار اولدورموري

تانري وئرميش وارلاري اولوس لار داندير ميري

كرامتي بيلله دن اوزلوك لرده چوخالير

بت لاري سينديرانلار آزادليقينان قالير

آزادليقين بايراقين بونلار اوزي ساخلادير

كرامتين وارليقين سويلار اوزي پارلادير

سلطه لره سينان لار هر گون داها آزالير

اوزلريني تاپانلار گوني گوندن چوخالير

جعلنا شعوبني بيلديرشه سالير لار

اوزلوكي ساخلادانلار عدالتي تانير لار

طاغوتا سينمئيانلار بير تانري ني توتورلار

تانري وئرميش پايلارا شوكورلرين قويور لار

بورجدان چيخان اولوس لار آزادليقدا اولور لار

وارلانماقي توتانلار داوام ليقدا قالير لار

منافق لر اوزلرين اسلام دا بيلديرير لر

خائن ليقين يوللارين آيدين جا گورسه دير لر

سويا خيانت ائدن آغري لارين سالديرير

سلطه لره سويلارين وارليقيني سينديرير

منافق لر ساواد دان فايدالانيب بللي دير

خوش اوزونون داليندا چيركين اوزي گورسه نير

***