تکامولون موتوری

قارانلیقینان ایشیق بیر بیرینی تانیدیر

چالیشماقا ایشیقلیق یوللارینی آچدیریر

قارانلیق دا رحمتین آییری جوره گورسه دیر

دینج اولماقی وئردیریر آرتیم گوجه گتیریر

مسلمان امتینده چوخلی سویلار اولاندی

سویلارین چوخلوقلاری رحمتلرین سالاندی

رحمت او چاغ سالینار ترسه لیکلر بیلله نه

فیکیرلرین توققوشی بیر بیرلرین ائینه ده

تکامولون موتوری توققوشمادا اولاندی

بیلیملیلر آرتیمی بئله یولدا توتاندی

بیر سوی اوزون قوزاسا آییری لارین سیندیرا!!!

سینان اوزون نن گئچسه سیندیرانین ساخلادا!!!

اوزونه خائن اولوب تکاملی باغلادیب

انسانلیقدان اششاغی وارلیقینی ساخلادیب!!!

تکاملی یاندیریب اوزون سالیب قوللوقا!!

قول اولماقدا دایانیب گوج اولوب طاغوتلوقا!!!

***