قالارلار

کولتورونه قانماز اولان اولوسلار

معنوی لیق لرین بیلمز اولوسلار

کولتورلرین صافلادابیلمئینلر

گوجلرینی کولتوردن آلمئیانلار

کولتور بورجون اوزلرینه آلانلار

وارلیقلارین اوزگه لره دانانلار

قالاق قالاق کولتور اوسته قالار لار

آمما ائله اللری بوش اولارلار

گئریلیگی یاشاملاردا توتارلار

قاجلارینا یاردیمجی تک باخارلار

بئله اولان اوستون یاشام آنلاماز

وارلیقینی حورمتلی ساخلادانماز

بئله اولان اوزگه لره سینیلار

اوز کولتور اوز الینن دانیلار

بئله اولان وار اوسته یوخسول قالار

قانماز اولوب وارلارینی بوراخار

بئله اولان سایدا دا چوخ اولسالار

قره فهله اوزگه سینه اولارلار

دائم سینیب اوزلرینی دانارلار

اوزگه لرین دیللرینی توتارلار

اوزون دانان اوزونه گوج ساخلاماز

نوکر تکین اوزلوکونی آنلاماز

***