زمزم سئوه سن

 
  ایستیری بیر ایش اولا بیردن یاریم چیلیق قالیر

  ایستیری ایش قورتولا بیردن هاممی سی پوزولور

ایستیری بیری قالا بیردن قالماق سونا چاتیر

 ضد دیلر قالماقی دیر زامان ایچینده دوغولور

 هاجرین وارلیقینی زمزم واری دیر ساخلادیر

 زمزمین وار دادینی هاجر شوکورنن یارادیر

 اسماعیل کدرله نیب زمزم اونی دینج ساخلادیر

 اسماعیل سون تاپیری زمزم حیاتیندا آخیر

 بو آخیم وارلیقینی وارلیقیما قسمت ائله

 من شوکور قیللام سنه ایستکیمی وئردیر منه

 سنه قوربان یارادان یارادگینان ایلگی گئنه

 بو حیات مایاسینی حیاتیمدا داددیر منه

 منه سن زمزمیین سون چاغیما وئردیره سن

 اوبایان بیر گلیبان  بیزلره زمزم سئوه سن

 حیاتین وارلیقینا زمزمی دا آخیداسان

  بیلیرم هر بیر زادی اوز اصلینه قایتاراسان

بو حیات مایاسینی تانریدان ایستیین منم

 قسمت ائیله یارادان سئوگیمه جان وئرن منم

مکه ده زمزم سویون اووج ایچینه آلارام

من خیال دالغاسینی کونول سوزوینن ساخلارام

***