کونلوم ایستیر

  کونلوم ایستیر دیپلوماسی قالایدی

  شرعی یوللار باغلانمامیش اولایدی

  کونلوم ایستیر آغری لاردان دئیک بیز

  ساغلامئیاق سوز کونولده بیلیم سیز

  کونلوم ایستیر قوربان دئییب کسم من

  قوربان پایین اوز الیم نن وئرم من

  کونلوم ایستیر چتین بیر ایش قالماسین

 گورولمه میش ایشلر داها اولماسین

  کونلوم ایستیر چشم دالی چشم اولا

  سوی وارلیقی ، وارلیقیمیز ، دادلانا

 کونلوم ایستیر کولتور قایناقین سالا

  آنـــــــا دیــــــلده تورکی قرآن یایئلا

  کونلوم ایبستیر تورکی یازقی چاپ اولا

  سئونلرین سئوگی سی نن اوخونا

  کونلوم ایستیر آخار بولاق ساخلانا

  اینامیمیز پاک ساخلانیب دادلانا

  کونلوم ایستیر زمزم سویوننان آخام

  بیر جوموشام بیر چیخیشام بیر باخام

   زمزم سویون عومور بویی سئومیشم

   قسمت اولا، تانریدان ایسته میشم

    آنــــا دیــــــلین یازقیلارین سئویریک

   چاپ اولارکن یایئلماقین ایستیریک

   سئوگی نین سئگی سینده قالایدیم

  بیرده آخان وارلیقا یول آچایدیم

  کونلوم ایستیر اوردا چیراق اولایدیم

  من یانیبان اونا ایشیق سالایدیم

   سئوگی اوچون وار ارییب آخایدی

  ایسته گیمی ایسته گینه قاتایدی

  سوی کولتوری بئله ایشیق ایستیری

  سئونلرین اریماقین سئویری

  خالص اولان سئوگی سینه یانان دیر

  جان آخیمین   اریماقا سالاندیر

  اینامیم وار سئوگی بیلیر نه ائدیر

 سئوگی اوزی چتن ده آساد دئییر

***