کونول سوزلریم

چشم دئدیم:

 کونلوم اویانیب چیرپاندی

 گاه یانیب گاه دا داشلاندی

 گاه آچیلیب گاه باغلاندی

 گاه دولونوب گاه آغلاندی

 توشنه ییب دالغالی اولدی

 وارلیقین سینیرین آلدی

 سئوینج اولوب یولا گلدی

 سینیر سالیب اوردا قالدی

 دیلی چیچکلی اولموشدی

 سئوینجه بویلی قالمیشدی

 من ایسته دیم او ایسته دی

 چشم دئدیم او آغلادی

 کونلومه چشم چشم دئمیشم

 آلاولانیب سوز دئمیشم

 خسته له نیب دایانمیشام

 کونلومی خسته گورموشم

 یاخینلیقینا گئدمیشم

 دالدالانیب اوزاق لانیب

اوچوروم اوسته دایانیب

 دایان داها تهلکه دیر

  اوچوروم دیر مهلکه دیر

 قوربانینام دایان دایان

 گوزلریم اوسته یئر اولان

 اوزاقدان دالغا سالارام

 دالغالی ایستک توتارام

 سن نن آجیقلی قالمارام

 سئوگی اودوندا یانارام

 کول  اولوب یئله قالخارام

 سمالارا اوج آلارام
 
وارلیقا اوستن باخارام

 وارلیقا دالغا سالارام

***
 نوروز

نوروز گلیر دون گئده

 چیخا چیچکلری اوزه

 تئزه وارلیق دا بیلله نه

 کیملیک گئنه دا دیلله نه

 نوروز وئریری ایستی لیک

 گئنه دئیری دئیریلیک

 دئیری ساخلادیر وارلیقی

 آرتینا سالیر کیملیکی

 شاختا اوزدن دا گئدمیری

 هه له سوزلرین دئیری

 آمما نوروز دا گوجله نیب

 شاختا اوننان دا هلله نیب

 نوروز آداخلی لیق ایستیر

 آداخلی لیق وارلیق وئریر

 نوروز وارلیقی ساخلادیر

 آداخلادیری وارلادیر

***